အပစ်ရပ်ထားသည့် စစ်ကောင်စီတပ်မှ ဟိုခိုကျေးရွာကို ဂျက်ဖိုက်တာဖြင့်ပေါင်(၂၅ဝ)ဗုံး (၁)လုံး လာရောက်ကြဲချတိုက်ခိုက်
21 May 2025
အပစ်ရပ်ထားသည့် စစ်ကောင်စီတပ်မှ ဟိုခိုကျေးရွာကို ဂျက်ဖိုက်တာဖြင့်ပေါင်(၂၅ဝ)ဗုံး (၁)လုံး လာရောက်ကြဲချတိုက်ခိုက်
နောင်ချို၊ မေလ ၂၁ရက်
တအာင်းပြည်သတင်း
တအာင်းပြည်၊ တပ်မဟာ (၂)နယ်မြေ၊ နောင်ချိုမြို့နယ်၊ ဟိုခိုကျေးရွာကို အပစ်ရပ်ထားသည့် စစ်ကောင်စီတပ်မှ ဂျက်ဖိုက်တာဖြင့် ပေါင်(၂၅ဝ) ဗုံး (၁)လုံးလာရောက်ကြဲချတိုက်ခိုက်ခဲ့ပါသည်။
စစ်ကောင်စီတပ်သည် ယမန်နေ့ ညနေ (၄းဝ၅)နာရီအချိန်တွင် PSLF/TNLA အုပ်ချုပ်သော ဟိုခိုကျေးရွာကို တိုက်ပွဲဖြစ်ပွားခြင်းမရှိဘဲ လေကြောင်းဖြင့် ဗုံးကြဲချခဲ့သည်။ ထိုဗုံးကြောင့် ဒေသခံပြည်သူလူ၏ နေအိမ် (၁)လုံးထိမှန်ပျက်စီးဆုံးရှုံးသွားခဲ့သည်။
အလားတူ ပြီးခဲ့သည့် မေလ (၁၈)ရက်လည်း နောင်ချိုမြို့နယ်၊ဒိုးပင်အုပ်စု၊ ရတနာသင်္ဂီကျေးရွာအနီးတွင် ပေါင်(၂၅ဝ)ဗုံး (၆)လုံး လာရောက်ကြဲချတိုက်ခိုက်ခဲ့သည်။
စစ်ကောင်စီတပ်သည် မေလ (၆)ရက်မှ (၃၁)ရက်ထိ အပစ်ခတ်ရပ်စဲရေးကာလ ထပ်မံတိုးထားသော်လည်း ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သောမြို့နယ်များကိုမြေပြင်ထိုးစစ်ဆင်ခြင်း၊ ရည်ရွယ်ချက်ရှိရှိ လက်နက်ကြီးများ ပစ်ခတ်ခြင်း၊ ဒရုန်းနှင့် လေကြောင်းဖြင့် နေ့စဉ်အသုံးပြုတိုက်ခိုက်လျှက်ရှိသည်။
ထိုကြောင့် မိဘပြည်သူများအနေဖြင့် စစ်ကောင်စီတပ်၏ လေကြောင်း၊ ဒရုန်းနှင့် လက်နက်ကြီး ပစ်ခတ်တိုက်ခိုက်မှုရန်မှရှောင်ရှားနိုင်ရန်စစ်ရေးသတိအမြဲရှိရန်လိုအပ်သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ