နမ့်ဖတ်ကာတွင် အိမ်စီးကားတစ်စီးသည် ရပ်နေသည့်ကားတစ်စီးကိုဝင်တိုက်ရာတွင် အမျိုးသမီးတစ်ဦးမှ ပြင်းထန်ဒဏ်ရာရ
08 April 2025
နမ့်ဖတ်ကာတွင် အိမ်စီးကားတစ်စီးသည် ရပ်နေသည့်ကားတစ်စီးကိုဝင်တိုက်ရာတွင် အမျိုးသမီးတစ်ဦးမှ ပြင်းထန်ဒဏ်ရာရ
နမ့်ဖတ်ကာ၊ ဧပြီလ ၈ရက်
တအာင်းပြည်သတင်း
တအာင်းပြည်၊ တပ်မဟာ (၁)နယ်မြေ၊ ကွတ်ခိုင်ခရိုင်၊ နမ့်ဖတ်ကာမြို့ နတ်စင်အနီး၌ အိမ်စီးကားတစ်စီးသည် ရပ်နေသည့်ကားတစ်စီးကို ဝင်တိုက်ရာတွင်
အမျိုးသမီးတစ်ဦးမှ ပြင်းထန်ဒဏ်ရာရရှိခဲ့သည်။
ဖြစ်စဥ်တွင် ပြီးခဲ့သည့် ဧပြီလ (၆)ရက် ညနေ (၃:၃၀)နာရီအချိန်တွင် အသက် (၄၆)နှစ်အရွယ် စိုင်းကျော်သန်းမှ မောင်းနှင်းလာသည့်ကားသည် ပလောင်ပြည်နယ်လွတ်မြောက်ရေးတပ်ဦးPSLF/TNLA၏ စစ်ဆေးရေးဂိတ်အနားတွင် ရပ်နေသည့် (၁၂)ဘီးကားတစ်စီးကို ဝင်တိုက်သွားခဲ့သည်။
ထိုကားအတွင်းတွင် မိသားစုဝင် (၅)ဦးရှိခဲ့ပြီး ၎င်း၏ယောက္ခမဖြစ်သူ ဒေါ်မြအုံမှ ဦးခေါင်း၊ မျက်နှာနှင့် ဘယ်ဘက်လက်တွင် ထိခိုက်ဒဏ်ရာပြင်းထန်ခဲ့ပြီးဆေးကုသရန် နမ့်ဖတ်ကာမြို့နယ် တအာင်းပြည်ရဲတပ်ဖွဲ့မှ ပို့ဆောင်ပေးခဲ့သည်။
ပြီးခဲ့သည့် မတ်လ (၂၂)ရက်လည်း မန်တုံမြို့အဝင်တွင် မီးသွေးတင်ဆောင်လာသည့်ကားတစ်စီးသည် ဘရိတ်ပေါက်ပြီး တိမ်းမှောက်မှုဖြစ်ပွားခဲ့ပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ