ညီနောင်မဟာမိတ် (၃)ဖွဲ့မှ တစ်ဖက်သတ်အပစ်ရပ်ပြီးသော်လည်း စစ်ကောင်စီတပ်မှ ထိုးစစ်ဆင်မှုများ၊ စစ်အင်အားဖြည့်တင်းမှုများ ပြုလုပ်နေ
03 April 2025
ညီနောင်မဟာမိတ် (၃)ဖွဲ့မှ တစ်ဖက်သတ်အပစ်ရပ်ပြီးသော်လည်း စစ်ကောင်စီတပ်မှ ထိုးစစ်ဆင်မှုများ၊ စစ်အင်အားဖြည့်တင်းမှုများ ပြုလုပ်နေ
တအာင်းပြည်၊ ဧပြီလ ၃ရက်
တအာင်းပြည်သတင်း
ညီနောင်မဟာမိတ် (၃)ဖွဲ့မှ ငလျင်ဒဏ်သင့်ပြည်သူများနှင့် လူထု၏ အခက်အခဲများကို စားနာထောက်ထားသောအားဖြင့် တိုက်ပွဲဖြစ်ပွားလျက်ရှိသောနေရာများတွင် ထိုးစစ်များကို ပြုလုပ်မည်မဟုတ်ဘဲ တစ်လတာ တစ်ဖက်သတ် အပစ်ရပ်ကြောင်း ဧပြီလ ၁ရက်နေ့တွင် ထုတ်ပြန်ကြေညာခဲ့ပြီးဖြစ်သည်။
အပစ်ရပ်ကြေညာခဲ့ပြီးသော်လည်း စစ်ကောင်စီတပ်မှ ဧပြီလ (၃)ရက် နေ့လယ် (၁၂း၀၀) နာရီ၀န်းကျင်တွင် စစ်ယာဉ်တန်း (၇)စီးနှင့် လူအင်အားဖြည့်တင်းပြီး အင်တောမှ ကျောက်ဂူ၊ တောင်ချေ၊ အမတ (၉၀၂) သို့ စစ်ကူအင်အားဖြည့်တင်းနေခဲ့သည်။ ထို့ပြင် သပိတ်ကျင်းမြို့နယ် (၇)မိုင်တွင်လည်း လေကြောင်း ဂျက်ဖိုက်တာဖြင့် (၄)ကြိမ်၊ ဗုံး (၈)လုံး လာရောက်ကျဲချ တိုက်ခိုက်ခဲ့သည်။
စစ်ကောင်စီတပ်ဘက်တွင်လည်း ဧပြီလ ၂ ရက်နေ့မှ ၂၀ ရက်နေ့ထိ အပစ်ရပ်သည်ဟု ကြေညာခဲ့သည်။ ထို့ပြင် နိုင်ငံတော်အဆင့် ဝမ်းနည်းခြင်းအထိမ်းအမှတ်နေ့ရက်ဟု ထုတ်ပြန်ကြေညာသော်လည်း လေကြောင်းဖြင့် နေစဉ် အသုံးပြုတိုက်ခိုက်နေပါသည်။
ပြီးခဲ့သည့် မတ်လ (၂၈)ရက်တွင် ဖျက်အားပြင်းလှုပ်ခတ်သွားခဲ့သောငလျင်ဒဏ်ကြောင့် ယနေ့ ဧပြီလ (၃)ရက်အထိ မြန်မာနိုင်ငံတဝန်းတွင် သေဆုံးသူ (၃၀၈၅)ဦး၊ ဒဏ်ရာရသူ (၄၇၁၅)ဦးနှင့် ပျောက်ဆုံးနေသူ (၃၄၁)ဦးအထိ ရှိခဲ့ပြီးဖြစ်သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ