03 April 2025

တအာင်းပညာရေးထီ၏ (၂၂)ကြိမ်မြောက် အမြင့်ဆုံး သိန်း(၅၀၀)ဆုကို မန်တုံမြို့နယ် ကုန်ပေါင်းကျေးရွာတွင်နေထိုင်သည့် အမျိုးသား(၁)ဦးမှ  ဆွတ်ခူးရရှိ

တအာင်းပြည်သတင်း၊ ဧပြီလ ၃ရက်

တအာင်းပြည်ပညာရေးကို ရည်ရွယ်၍ ဖွင့်လှစ်နေသည့်တအာင်းပညာရေးထီ၏ (၂၂)ကြိမ်မြောက် အမြင့်ဆုံး သိန်း (၅၀၀)ဆုကို မန်တုံမြို့နယ် ကုန်ပေါင်းကျေးရွာတွင်နေထိုင်သည့် ဦးငိုဆွယ်မှ ဆွတ်ခူးရရှိသွားခဲ့သည်။

(၂၂) ကြိမ်မြောက်ထီဖွင့်ပွဲအား ပလောင်ပြည်နယ်လွတ်မြောက်ရေးတပ်ဦး PSLF/TNLAအုပ်ချုပ်သောနယ်မြေတစ်နေရာတွင် ဧပြီလ (၁)ရက် နံနက်ပိုင်းအချိန် တအာင်းပြည်ပညာရေးကောင်စီ-TLECမှ ဦးဆောင်ဖွင့်လှစ်ခဲ့သည်။

သိန်း  (၅၀၀)ဆု၏ဂဏန်းသည် အက္ခရာ(B - 83321) ဖြစ်ကာ သိန်း (၅၀၀)ဆုအပြင် သိန်း(၁၀၀)ဆု (၁)ဆု၊ သိန်း(၅၀)ဆု (၂)ဆု၊ သိန်း(၃၀)ဆု (၃)ဆု၊ (၁၀)သိန်းဆု (၄)ဆု၊ (၅)သိန်းဆု (၅)ဆု၊ (၂)သိန်းဆု(၃၀)ဆုနှင့် သိန်း (၅၀၀)၏ နောက်ဆုံးဂဏန်းသုံးလုံးတူ (၂၂)ဆုအပါအဝင် စုစုပေါင်း (၆၈)ဆု ပေးအပ်ခဲ့သည်။

ပြီးခဲ့သည့် မတ်လတွင် တအာင်းပညာရေးထီ၏ (၂၁)ကြိမ်မြောက်
အမြင့်ဆုံး သိန်း (၅၀၀)ဆုကို နိုင်ငံခြားရောက် ရခိုင်လူမျိုးတစ်ဦးမှ အက္ခရာ (B-84051)ဆွတ်ခူးရရှိသွားခဲ့သည်။

၂၀၂၄-၂၀၂၅ ပညာသင်နှစ် အခြေခံပညာ စာသင်ကျောင်းပေါင်း
(၆၀၀)ကျော်၊ ကျောင်းသူ/သား (၆၆၀၀၀)ကျော်နှင့် ဆရာ/မ (၃၅၀၀)ကျော်ဖြင့်ဖွင့်လှစ်နိုင်ခဲ့ပြီး လာမည့် ၂၀၂၅-၂၀၂၆ ပညာသင်နှစ်တွင်လည်း ကျန်ရှိနေသည့်မြို့နယ်တို့တွင် အခြေခံပညာစာသင်ကျောင်းပေါင်း (၇၀၀) ကျော် ဆက်လက်ဖွင့်လှစ်သွားရန်စီစဉ်ဆောင်ရွက်နေပါသည်။


စာသင်ကျောင်းများလိုအပ်သည့် ရန်ပုံငွေနှင့် ဆရာ/ဆရာမ(၃၅၀၀)ကျော်အတွက် လိုအပ်သည့် လစာငွေများအား တအာင်းထီ ရောင်းရသည့်ငွေမှ
လစဥ်ထောက်ပံ့ပေးနေခြင်းဖြစ်ရာ အနယ်အနယ်အရပ်ရပ်မှ မိဘပြည်သူများအနေဖြင့်တအာင်းပြည်မှ ကလေးငယ်များ၏ပညာရေးအား အထောက်အပံ့ဖြစ်ရန် တအာင်းပညာရေးထီအား
ထိုးပေးကြရန် လိုအပ်ကြောင်းတိုက်တွန်းလိုက်ရပါသည်။


#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်