02 April 2025

အင်းအားပြင်းငလျင်ဒဏ်ကို ခံစားနေရသည့် မြန်မာပြည်သူများအတွက် PSLF/TNLA အုပ်ချုပ်သောမြို့နယ်များကို တအာင်းအရပ်ဖက်အဖွဲ့အစည်း-TCSOsမှ ကော်မတီဖွဲ့ပြီး အလှူခံဌာနဖွင့်လှစ်ခဲ့

နမ့်ဆန်၊ ဧပြီလ ၂ရက်

တအာင်းပြည်သတင်း

အင်းအားပြင်းငလျင်ဒဏ်ကို ခံစားနေရသည့် မြန်မာပြည်သူများအတွက် PSLF/TNLA အုပ်ချုပ်သောမြို့နယ်များကို တအာင်းအရပ်ဖက်အဖွဲ့အစည်း-TCSOsမှ ကော်မတီဖွဲ့ပြီး အလှူခံဌာနကို ယမန်နေ့ ဧပြီလ (၁)ရက်နေ့တွင် ဖွင့်လှစ်ခဲ့သည်။

ထိုမြို့နယ်များသည်  နမ့်ခမ်း၊ နမ့်ဆန်၊ နမ္မတူ၊ ကွတ်ခိုင်၊ ကျောက်မဲ၊ မိုးကုတ်မြို့နယ်တို့ဖြစ်ပြီး  အင်အားပြင်းငလျင်ဒဏ်သင့်နေသည့် ပြည်သူများအတွက် ၎င်းမြို့တွင်းရှိ မိဘပြည်သူများ နည်းများမဆို လာရောက်လှူဒါန်းနိုင်ရန် အလှူခံဌာနဖွင့်လှစ်ခဲ့ခြင်းဖြစ်သည်။

အဆိုပါ အင်အားပြင်းငလျင်ဒဏ်သင့်ပြည်သူလူထုများအား လူသားချင်း စာနာထောက်ထားမှုများအနေဖြင့် အလှူခံဌာနကို ဧပြီလ (၁)ရက်မှ (၇)ရက်အထိ (၇)ရက်တိတိ အလှူခံဌာနဖွင့်လှစ်သွားမည်ဖြစ်သည်။

ထို့ကြောင့် မြို့တွင်းရှိ မိဘပြည်သူများ၊ ရပ်ရွာပြည်သူများနှင့် ပြည်တွင်းပြည်ပအလှူရှင်များလည်း ပါဝင်လှူဒါန်းနိုင်ရန် ရည်ရွယ်ပြီး  ရပ်ကွက်အလိုက် လိုက်လံအလှူခံခြင်းစသည့် အလှူခံပုံစံအမျိုးမျိုးဖြင့် ပြုလုပ်သွားမည်ဖြစ်သည်။

နမ့်ဆန်မြို့တွင် မီးသတ်ကားဖြင့် လိုက်လံဆော်သြကြပြီး မြို့တွင်းရှိ လမ်းစုံနေရာလည်း အလှူခံဌာနဖွင့်လှစ်ထားပြီး (၁)သိန်းအထက်လှူဒါန်းသည့်အလှူရှင်များကို ဂုဏ်ပြုမှတ်တမ်းလွှာများ ပေးအပ်ချီးမြှင့်ပေးသည်။

လူသားချင်းစာနာထာက်ထားမှုအနေဖြင့် သဘာဝ ဘေးဒဏ်သင့်ပြည်သူများနှင့် အတူ အခက်အခဲများရင်ဆိုင်ကျော်ဖြတ်နိုင်ရန် တအာင်း TCSOs အနေဖြင့် ကမကထ ကော်မတီဖွဲ့ပြီး ငလျင်ဘေးဒဏ်သင့်ပြည်သူများအတွက် အလှူငွေ သိန်း (၂၂၀)ကျပ် မတည်လှူဒါန်း ပေးခဲ့သည်။

အကူအညီများလိုအပ်နေသော ငလျင်ဘေးဒဏ်ကို ခံစားနေရသည့် မြန်မာပြည်သူများအတွက် အဝေးရောက်မိဘပြည်သူများလည်း ပါဝင်လှူဒါန်းလိုပါက 09452749009 (KBZ - Khin Nyein Thwe) 09.265133720 ကို ဆက်သွယ်လှူဒါန်းနိုင်သည်။

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်