02 April 2025

ကျောက်မဲတွင် တအာင်းပြည် ရဲတပ်ဖွဲ့မှ မူးယစ်ဆေးဝါးရောင်းဝယ်သူအမျိုးသမီး (၁)ဦးနှင့်အတူ မူးယစ်ဆေးဝါးအများအပြား ဖမ်းဆီးရမိ

ကျောက်မဲ၊ ဧပြီလ ၂ရက်
တအာင်းပြည်သတင်း


တအာင်းပြည်၊ တပ်မဟာ(၂)နယ်မြေ၊ ကျောက်မဲမြို့နယ်တွင် မြို့နယ်တအာင်းပြည် ရဲတပ်ဖွဲ့မှ မူးယစ်ဆေးဝါးရောင်းဝယ်သူ အမျိုးသမီး (၁)ဦးနှင့်အတူ မူးယစ်ဆေးဝါးအများအပြားဖမ်းဆီးရမိခဲ့သည်။


ဖြစ်စဥ်တွင် မတ်လ ၃၀ရက် ညနေ (၃:၃၀)နာရီအချိန်တွင် ကျောက်မဲမြို့ ရပ်ကွက် (၃)တွင်နေထိုင်သော အသက် (၆၈)နှစ်အရွယ် ဒေါ်ရွှေသန်းသည် မူးယစ်ဆေးဝါးရောင်းဝယ်သည်ဟု သတင်းရရှိကာ မြို့နယ်တအာင်းပြည် ရဲတပ်ဖွဲ့နှင့် ရပ်ကွက်အုပ်ချုပ်ရေးမှူးတို့မှ သွားရောက်စစ်ဆေးရာ မူးယစ်ဆေးဝါးနှင့်စိတ်ကိုပြောင်းလဲစေတတ်သော စိတ်ကြွဆေးပြား အများအပြား ဖမ်းဆီးရမိခဲ့သည်။

၎င်းနေအိမ်အတွင်း ဘိန်းဖြူ(၁)ခွက်နှင့် ဘိန်းဖြူထည့်ထားသည့် တစ်လက်မခန့်ရှိသောဗူး (၅)ဗူး၊ WYစာတန်းပါစိတ်ကြွဆေးပြား (၂၀၇)ပြားနှင့် ငွေသားသိန်း (၄၀)ကျပ်နှင့်အတူ ဖမ်းဆီးရမိခဲ့ပါသည်။ ထိုအမျိုးသမီးကို မြို့နယ်တအာင်းပြည် ရဲတပ်ဖွဲ့မှ မူးယစ်ဆေးဝါးဥပဒေနှင့်အညီအရေးယူဆောင်ရွက်သွားမည်ဖြစ်သည်။


ပြီးခဲ့သည့် မတ်လ(၂၄)ရက်တွင်လည်း ကျောက်မဲမြို့ ရပ်ကွက်(၁)တွင်နေထိုင်သည့် ဒေါ်သန်းတင်သည်
မူးယစ်ဆေးဝါးရောင်း၀ယ်သည်ဟု သတင်းရရှိကာ မြို့နယ်တအာင်းပြည် ရဲတပ်ဖွဲ့မှ နေအိမ်အတွင်း သွားရောက်စစ်ဆေးရာ မူးယစ်ဆေးဝါးနှင့် စိတ်ကိုပြောင်းလဲစေတတ်သောစိတ်ကြွဆေးပြား အများအပြား ဖမ်းဆီးရမိခဲ့သည်။


#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်