26 March 2025

တအာင်းစာပေအဖွဲ့ -TLAမှ မိုင်းငေါ့မြို့နယ်ရှိ ကျေးရွာ (၂)ရွာကို အခြေခံတအာင်းရုံးသုံးစာသင်တန်း ဖွင့်လှစ်ပြီးစီး

မိုင်းငေါ့၊ မတ်လ ၂၆ရက်
တအာင်းပြည်သတင်း

တအာင်းပြည်၊ တပ်မဟာ (၂)နယ်မြေ၊ မိုင်းငေါ့မြို့နယ်ရှိ ကျေးရွာ (၂)ရွာကို တအာင်းစာပေးအဖွဲ့ -TLAမှ အခြေခံတအာင်းရုံးသုံးစာသင်တန်း ဖွင့်လှစ်သင်ကြားပေးပြီး သင်တန်းဆင်းပွဲပြုလုပ်ကျင်းပခဲ့ပါသည်။

ပြီးခဲ့သည့် မတ်လ ၂၁ရက် ကွမ်းစလန်းကျေးရွာတွင် ပြုလုပ်ကျင်းပခဲ့ပြီး မတ်လ ၂၂ရက်လည်း ပိန်းကိုင်တော်ကျေးရွာတွင် တအာင်းစာပေအဖွဲ့-TLAမှ ဦးဆောင်ပြီး သင်တန်းဆင်းပွဲပြုလုပ်ခဲ့သည်။

ထိုအခြေခံတအာင်းရုံးသုံးစာသင်တန်းကို ကျောင်းသား (၆၀)ဦးနှင့် ကျောင်းသူ (၇၁)ဦးတို့ တက်ရောက်သင်ကြားခဲ့ပါသည်။ ထိုသူတို့ကို သင်တန်းတက်ရောက်အောင်မြင်ပြီးစီးကြောင်း သင်တန်းလက်မှတ် (Certificate)များ ချီးမြှင့်ပေးအပ်ခဲ့သည်။

အခြေခံတအာင်းရုံးသုံးစာသင်တန်း ဖွင့်လှစ်ရသည့် ရည်ရွယ်ချက်သည် တအာင်းရုံးသုံးစာ/ စကားပြန့်ပွားရေး၊ တအာင်းမျိုးနွယ်စုများ စကားလုံးအသုံးနှုန်း ဝေါဟာရတူညီခြင်း၊ တအာင်းပညာရေးဌာနဆိုင်ရာ တအာင်းစာပေ ထည့်သွင်းသင်ကြားနိုင်ခြင်း၊ တအာင်းမိခင်ဘာသာစကား မပပျောက်ခြင်း၊ တအာင်းအဖွဲ့အစည်း ဌာနဆိုင်ရာဝန်ထမ်းများနှင့် ရုံးဌာနတိုင်း တအာင်းရုံးသုံးစာဘာသာဖြင့် အသုံးပြုနိုင်ခြင်း၊ တအာင်းစာအုပ်စာပေ ပုံနှိပ်မဂ္ဂဇင်းစာအုပ်များ ထုတ်ဝေနိုင်ခြင်း၊ တအာင်းပညာရေးကျောင်းအတွင်း တအာင်းစာပေဘာသာရပ်များ ပို့ချပေးရန်အတွက် ဆရာ/ဆရာမ ဝန်ထမ်းများ မွေးထုတ်နိုင်ရန် ရည်ရွယ်ပြီး ဖွင့်လှစ်သင်ကြားပေးခဲ့ခြင်းဖြစ်သည်။


#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်