26 March 2025

ကျောက်မဲနှင့် ကွတ်ခိုင်တွင် တအာင်းပြည် ရဲတပ်ဖွဲ့မှ မူးယစ်ဆေးဝါးရောင်းဝယ်သုံးစွဲသူ (၁၂)ဦး ဖမ်းဆီးရမိ

တအာင်းပြည်၊ မတ်လ ၂၆ရက်

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သော ကျောက်မဲနှင့် ကွတ်ခိုင်မြို့နယ်တို့တွင် တအာင်းပြည် ရဲတပ်ဖွဲ့မှ မူးယစ်ဆေးဝါးရောင်းဝယ်သုံးစွဲသူ (၁၂)ဦး ဖမ်းဆီးရမိခဲ့သည်။

ဖြစ်စဥ်တွင် မတ်လ ၂၄ရက် ကျောက်မဲမြို့၊ ရပ်ကွက် (၁)၌နေထိုင်သော ဒေါ်သန်းတင်သည် မူးယစ်ဆေးဝါးရောင်း၀ယ်သည်ဟု သတင်းရရှိကာ တအာင်းပြည် ရဲတပ်ဖွဲ့မှ နေအိမ်ကို သွားရောက်စစ်ဆေးရာ မူးယစ်ဆေးဝါးအများအပြား ဖမ်းဆီးရမိခဲ့သည်။

၎င်းနေအိမ်အတွင်းမှ WY စာတန်းပါ စိတ်ကြွဆေးပြားနှင့် ပန်သီးတံဆိပ်ပါ စိတ်ကြွဆေးပြားများ၊ စုစုပေါင်း (၂၉၆၀၀)ပြားနှင့် ငွေသားသိန်း (110) နှင့်အတူ ဖမ်းဆီးရမိခဲ့သည်။

ထိုနောက် နေအိမ်အတွင်းတွင်ရှိသော မူးယစ်ဆေးဝါးများကို လာရောက်ဝယ်ယူသုံးစွဲသူ မောင်မြင့်၊ ဝင်းထွေး၊ မောင်မတ်၊ ၀င်းမင်းထွန်း၊ နေစိုး၊ ထက်မြတ်ကျော်၊ နာနည်း၊ အောင်နိုင်၀င်းနှင့် အိုက်ကျော်တို့ကို တအာင်းပြည် ရဲတပ်ဖွဲ့မှ ထပ်မံဖမ်းဆီးရမိခဲ့သည်။

အလားတူ ကွတ်ခိုင်မြို့နယ် မော်ဟစ်ကျေးရွာကို ပြီးခဲ့သည့် မတ်လ ၂၂ရက်တွင် အသက် (၃၀)နှစ်အရွယ် ဦးအောင်ခိုင်ဝင်းဆိုသူထံ ဘိန်းဖြူထည့်ထားသည့် ပင်နယ်စလင်ဗူး (၄)ဗူးနှင့် အတူ ဖမ်းဆီးရမိခဲ့သည်။

၎င်းနောက် ထိုကျေးရွာပင် တအာင်းပြည် ရဲတပ်ဖွဲ့မှ အသက် (၄၀)နှစ်အရွယ် ဦးသန်းလုမ်ထံ စိတ်ကြွဆေးပြား (၈)ပြားနှင့်အတူ ထပ်မံဖမ်းဆီးရမိခဲ့သည်။

တအာင်းပြည် ရဲတပ်ဖွဲ့မှ ဖမ်းဆီးရမိထားသည့် မူးယစ်ဆေးဝါးရောင်းဝယ်သုံးစွဲသူတို့ကို မူးယစ်ဆေးဝါးဥပဒေနှင့်အညီ အရေးယူဆောင်ရွက်သွားမည်ဖြစ်သည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်