မန်တုံမြို့အဝင်တွင် မီးသွေးတင်ကားတစ်စီး ဘရိတ်ပေါက်ရာမှ တိမ်းမှောက်မှုဖြစ်ပွား
25 March 2025
မန်တုံမြို့အဝင်တွင် မီးသွေးတင်ကားတစ်စီး ဘရိတ်ပေါက်ရာမှ တိမ်းမှောက်မှုဖြစ်ပွား
မန်တုံ၊ မတ်လ ၂၅ရက်
တအာင်းပြည်သတင်း
တအာင်းပြည်၊ တပ်မဟာ (၃)နယ်မြေ၊ မန်တုံမြို့အဝင်တွင် မီးသွေးတင်ကားတစ်စီး ဘရိတ်ပေါက်ရာမှ တိမ်းမှောက်မှုဖြစ်ပွားခဲ့သည်။
ဖြစ်စဉ်တွင် မတ်လ ၂၂ရက် ညနေ (၅:၀၀)နာရီအချိန်၌ မန်မောက်ကျေးရွာမှ နမ့်ခမ်းသို့ သွားနေသည့် မီးသွေးတင်ကားတစ်စီးသည် မန်တုံမြို့အဝင် ရောက်စဉ်အချိန်တွင် တိမ်းမှောက်သွားခဲ့သည်။
အဆိုပါ ကားတိမ်းမှောက်မှုကြောင့် ယာဉ်မောင်းဖြစ်သူမှ အသက် (၂၆)နှစ်အရွယ် မိုင်းနိုင်ခမ်း၏ ညာဘက်ခြေတွင် ထိခိုက်ဒဏ်ရာရရှိခဲ့သည်။
ထိုယာဥ်တိုက်မှုဖြစ်ပွားခဲ့သည့်နေရာကို ပလောင်ပြည်နယ်လွတ်မြောက်ရေးတပ်ဦး PSLF/TNLA ၏ တအာင်းပြည် ရဲတပ်ဖွဲ့မှ သွားရောက်စစ်ဆေးခဲ့ပြီး ယာဥ်မောင်းဖြစ်သူကိုလည်း ဆေးကုသရန် ပို့ဆောင်ပေးခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ