နမ္မတူမြို့တွင် တအာင်းပြည် ရဲတပ်ဖွဲ့မှ မူးယစ်ဆေးဝါးသုံးစွဲသူ (၅)ဦး ဖမ်းဆီးရမိ
24 March 2025
နမ္မတူမြို့တွင် တအာင်းပြည် ရဲတပ်ဖွဲ့မှ မူးယစ်ဆေးဝါးသုံးစွဲသူ (၅)ဦး ဖမ်းဆီးရမိ
နမ္မတူ၊ မတ်လ ၂၄ ရက်
တအာင်းပြည်သတင်း
တအာင်းပြည်၊ တပ်မဟာ (၄)နယ်မြေ၊ နမ္မတူမြို့နယ်တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA ၏ တအာင်းပြည် ရဲတပ်ဖွဲ့မှ မူးယစ်ဆေးဝါးသုံးစွဲသူ (၅)ဦး ဖမ်းဆီးရမိခဲ့သည်။
ဖြစ်စဥ်တွင် မတ်လ ၁၃ ရက်နေ့၌ အသက် (၃၃)နှစ်အရွယ် ဦးအလှဆိုသူကို မြို့အထွက်ရှိ ကြူဆော့ဂိတ်တွင် စစ်ဆေးမေးမြန်းစဥ် ဖမ်းဆီးရမိခဲ့သည်။
အလားတူ မတ်လ ၁၇ ရက်နေ့တွင်လည်း ပန်လုံအုပ်စု၊ မာန်ဆာကျေးရွာတွင် စိုင်းခမ်းပန်၊ ဦးမောင်ကျော်၊ ဦးအိုက်အောင်နှင့် အိုက်ကံမ်တို့သည် ယာမစိတ်ကြွဆေးသုံးစွဲသည့်သတင်းရရှိသောကြောင့် တအာင်းပြည် ရဲတပ်ဖွဲ့နှင့် ရပ်ကွက်တာဝန်ရှိသူများမှ သွားရောက်ဖမ်းဆီးခဲ့ပါသည်။
၎င်းတို့ကို တအာင်းပြည် ရဲ့တပ်ဖွဲ့မှ မူးယစ်ဆေးဝါးဥပဒေနှင့် အညီ အရေးယူဆောင်ရွက်သွားမည်ဖြစ်သည်။
နမ္မတူမြို့နယ်တွင် ပြီးခဲ့သည့် ၂၀၂၅ ခုနှစ် ဇန်နဝါရီ၊ ဖေဖော်ဝါရီ၊ မတ်လ (၃)လ အတွင်း မူးယစ်ဆေးဝါးသုံးစွဲသူ (၃၀)ဦး ဖမ်းဆီးရမိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ