24 March 2025

နမ္မတူမြို့တွင် သက်တမ်းကုန်သည့် စားသုံးကုန်ပစ္စည်းများကို PSLF/TNLAမှ လိုက်လံစစ်ဆေးမှုပြုလုပ်

နမ္မတူ၊ မတ်လ ၂၄ရက်
တအာင်းပြည်သတင်း

တအာင်းပြည်၊ တပ်မဟာ (၄)နယ်မြေ၊ နမ္မတူမြို့တွင် မတ်လ ၂၁ရက် မနက်ပိုင်းအချိန်၌ သက်တမ်းကုန်သည့် စားသုံးကုန်ပစ္စည်းများကို ပလောင်ပြည်နယ်လွတ်မြောက်ရေးတပ်ဦး PSLF/TNLA၏ မြို့နယ် စီမံအုပ်ချုပ်ရေးကော်မတီမှ လိုက်လံစစ်ဆေးမှု ပြုလုပ်ခဲ့သည်။

မြို့တွင်းရှိ စားသောက်ကုန်များ၊ ဆေးဝါးနှင့် အလှကုန်ပစ္စည်းများကို မြို့နယ် စီမံအုပ်ချုပ်ရေးကော်မတီတို့မှ သက်တမ်းကုန်ဆုံးသည့် ကုန်ပစ္စည်းများ ရောင်းချမှုမရှိစေရေး လိုက်လံစစ်ဆေးမှုများ ပြုလုပ်ခဲ့သည်။

အဆိုပါစစ်ဆေးမှုများပြုလုပ်ရာတွင် သက်တမ်းကုန်ဆုံးသွားသည့် ဆေးဝါး၊ အချိုရည်၊ ခေါက်ဆွဲခြောက်၊ မုန့်မျိုးစုံ၊ ငါးသေတ္တာများစသည့်ပစ္စည်းများကို စစ်ဆေးတွေ့ရှိခဲ့သည်။ ထိုပစ္စည်းများအားလုံးအားကိုလည်း  မီးရှို့ဖျက်ဆီးခဲ့ပါသည်။

ထိုစစ်ဆေးမှုများမပြုလုပ်ခင် မြို့တွင်းရှိ ဆိုင်များထံ သတိပေးစာ လိုက်လံဖြန့်ဝေခဲ့ပါသည်။ ယခုစစ်ဆေးမှုသည် ပထမအကြိမ်ဖြစ်သောကြောင့် အရေးယူမှုမရှိသော်လည်း နောက်နောင် စစ်ဆေးမှုများပြုလုပ်ရာ သက်တမ်းကုန်သည့်ပစ္စည်းများ ထပ်မံတွေ့ရှိပါက အရေးယူဆောင်ရွက်မှုပြုလုပ်သွားမည်ဖြစ်သည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်