24 March 2025

မိုးကုတ်တွင် PSLF/TNLA အုပ်ချုပ်ရေးဌာနမှ ပြည်သူလူထုများနှင့် တွေ့ဆုံပွဲပြုလုပ်

မိုးကုတ်၊ မတ်လ ၂၄ရက်
တအာင်းပြည်သတင်း

တအာင်းပြည်၊ တပ်မဟာ(၂)နယ်မြေ၊ မိုးကုတ်မြို့နယ်တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA၏ မိုးကုတ်ခရိုင် အုပ်ချုပ်ရေးဌာနမှ ဦးဆောင်ပြီး ပြည်သူလူထုများနှင့် တွေ့ဆုံပွဲပြုလုပ်ကျင်းပပြီးစီးခဲ့ပါသည်။

ထိုတွေ့ဆုံပွဲကို ပြီးခဲ့သည့် ဖေဖော်ဝါရီလ (၁၅)ရက် မှ မတ်လ (၁၂)ရက်ထိ ကျင်းပခဲ့ပြီး PSLF/TNLAတွဲဖက်အထွေထွေအတွင်းရေးမှူး (၂)ဗိုလ်မှူးကြီး တားပါင်လ၊ မိုးကုတ်ခရိုင် အတွင်းရေးမှုး ဗိုလ်ကြီးလိုမ်ထွန်း၊ တအာင်းပြည်ရဲတပ်ဖွဲ့မှ မိုးကုတ်ခရိုင်မှူး တားတိုင်ငမ်၊ တရားစီရင်ရေးဌာနမှ တာဝန်ရှိသူများ၊ ကျောက်မြတ်ကော်မတီတို့မှ တက်ရောက် အဖွင့်အမှာစကား ပြောကြားပေးခဲ့သည်။

၎င်းပွဲကျင်းပရသည့် ရည်ရွယ်ချက်သည် မိဘပြည်သူလူထုများမှ တအာင်းပြည်၏ လက်ရှိအုပ်ချုပ်စုဖွဲ့မှု ယန္တရားများကို သိရှိစေရန်၊ မိုးကုတ်မြို့နယ်အတွင်း တရားဥပဒေစိုးမိုးမှု ပိုမိုကောင်းမွန်လာစေရန်အတွက် တအာင်းပြည် ရဲတပ်ဖွဲ့နှင့် မိဘပြည်သူလူထုများ ချိတ်ဆက်ကာ ပိုမိုလုပ်ဆောင်နိုင်ရန်တို့ဖြစ်ကြသည်။

ကျေးရွာပေါင်း (၁၅)ရွာကို ရက်ပေါင်း (၂၅)ရက်ကြာ မိုးကုတ်ခရိုင် ဌာနဆိုင်ရာအသီးသီးနှင့် ပလောင်ပြည်နယ်လွတ်မြောက်ရေးတပ်ဦး PSLF/TNLAမှ တာဝန်ရှိသူများမှ ပြည်သူလူထုများကို သွားရောက်တွေ့ဆုံပွဲ ပြုလုပ်ခဲ့ခြင်းဖြစ်သည်။

ထိုတွေ့ဆုံပွဲကို မိုးကုတ်ခရိုင် ဌာနဆိုင်ရာအသီးသီးရှိ ခေါင်းဆောင်များ (၁၆)ဦးနှင့် ရပ်ကွက်အုပ်ချုပ်ရေးမှူးများ၊ အုပ်စုအုပ်ချုပ်ရေးမှုးများ၊ ကျေးရွာအုပ်ချုပ်ရေးမှူးများနှင့် ပြည်သူလူထုများ
စုစုပေါင်းလူဦးရေ (၁၉၂၅)ဦး တက်ရောက်ခဲ့ကြသည်။


#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်