နမ့်ခမ်းတွင် တအာင်းပြည် ရဲတပ်ဖွဲ့မှ မူးယစ်ဆေးဝါး သယ်ဆောင်လာသည့် အမျိုးသား (၁)ဦး ဖမ်းဆီးရမိ
24 March 2025
နမ့်ခမ်းတွင် တအာင်းပြည် ရဲတပ်ဖွဲ့မှ မူးယစ်ဆေးဝါး သယ်ဆောင်လာသည့် အမျိုးသား (၁)ဦး ဖမ်းဆီးရမိ
နမ့်ခမ်း၊ မတ်လ ၂၄ရက်
တအာင်းပြည်သင်တင်း
တအာင်းပြည်၊ တပ်မဟာ (၁)နယ်မြေ၊ နမ့်ခမ်းခရိုင် နမ့်ခမ်းမြို့တွင် တအာင်းပြည် ရဲတပ်ဖွဲ့မှ မူးယစ်ဆေးဝါးသယ်ဆောင်လာသည့် အမျိုးသား (၁)ဦး ဖမ်းဆီးရမိခဲ့သည်။
ဖြစ်စဉ်တွင် မတ်လ ၁၅ရက် မန်ခမ်းဂိတ်ကို တအာင်းပြည် ရဲတပ်ဖွဲ့မှ သွားလာသောကားနှင့် ဆိုင်ကယ် များကို ရှောင်တခင်စစ်ဆေးရာ အသက် (၃၇)နှစ်အရွယ် ဦးကျော်လှိုင်၏ ဆိုင်ကယ်ထိုင်ခုံအောက်တွင် မူးယစ်ဆေးဝါးများ တွေ့ရှိခဲ့သည်။
ထိုအမျိုးသားကို ယာမစိတ်ကြွဆေးပြား (၁၀)ထုပ် (တစ်ထုပ်ကို အစေ့ပေါင်း (၂၀၀)စေ့ပါ)နှင့်အတူ ဖုန်းတစ်လုံး(Infinix) ဖမ်းဆီးရမိပြီး ၎င်းကို မူးယစ်ဆေးဝါးဥပဒေနှင့် အရေးယူဆောင်ရွက်သွားမည်ဖြစ်သည်။
ပြီးခဲ့သည့် မတ်လ ၆ရက်လည်း မိုးမိတ်မြို့နယ်တွင် တအာင်းပြည် ရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦးနှင့်အတူ မူးယစ်ဆေးဝါးအများအပြား ဖမ်းဆီးရမိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ