ကွတ်ခိုင်တွင် မီးအကြွင်းအကျန်မှတစ်ဆင့် နေအိမ် (၁)လုံး မီးလောင်မှုဖြစ်ပွား
07 March 2025
ကွတ်ခိုင်တွင် မီးအကြွင်းအကျန်မှတစ်ဆင့် နေအိမ် (၁)လုံး မီးလောင်မှုဖြစ်ပွား
နမ့်ဖတ်ကာ၊ မတ်လ ၇ရက်
တအာင်းပြည်သတင်း
တအာင်းပြည်၊ တပ်မဟာ (၅)နယ်မြေ၊ ကွတ်ခိုင်မြို့နယ်၊ မိုင်းယုအုပ်စု ဟိုခိုကျေးရွာတွင် မီးအကြွင်းအကျန်မှတစ်ဆင့် နေအိမ် (၁)လုံး မီးလောင်မှု ဖြစ်ပွားခဲ့သည်။
ဖြစ်စဥ်တွင် ယမန်နေ့ မတ်လ ၆ရက် နေ့လယ် (၂း၀၀)နာရီအချိန်တွင် ဒေါ်ယွန်းသည် မီးဖိုဆောင်တွင် ထမင်းချက်ပြီးနောက် အလုပ်သွားနေစဥ် ၎င်းမှတစ်ဆင့် စတင်မီးလောင်သွားခဲ့ခြင်းဖြစ်သည်။
နေအိမ်အတွင်း ပစ္စည်းများအားလုံး မီးလောင်ဆုံးရှုံးသွားခဲ့ပြီး စုစုပေါင်းကာလတန်ဖိုး (၁၃)သိန်းကျော် မီးလောင်ဆုံးရှုံးသွားခဲ့သည်။ ထိုမီးလောင်နေစဥ် ပြည်သူလူထုများဝိုင်းဝန်းပြီး မီးငြိမ်းသတ်ပေးခဲ့သည်။
ပြီးခဲ့သည့် ဖေဖော်ဝါရီလ ၁၁ရက်လည်း ကွတ်ခိုင်မြို့၊ ရပ်ကွက် (၁)တွင် ဖယောင်းတိုင်ထွန်းထားရာမှ စာသင်ကျောင်းတစ်ကျောင်း မီးလောင်သွားခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ