ပဲသီးခူးသည့်အမျိုးသမီးတစ်ဦးပေါ် သစ်ကိုင်းကျိုးကျမှုကြောင့် သစ်ကိုင်းပိပြီးသေဆုံး
05 March 2025
ပဲသီးခူးသည့်အမျိုးသမီးတစ်ဦးပေါ် သစ်ကိုင်းကျိုးကျမှုကြောင့် သစ်ကိုင်းပိပြီးသေဆုံး
ကွတ်ခိုင်၊ မတ်လ ၅ရက်
တအာင်းပြည်သတင်း
တအာင်းပြည်၊ တပ်မဟာ(၁)နယ်မြေ၊ ကွတ်ခိုင်မြို့နယ်၊ ကောင်နင်းကျေးရွာတွင် ပဲသီးခူးသည့်အမျိုးသမီးတစ်ဦးပေါ် သစ်ကိုင်းကျိုးကျမှုကြောင့် သစ်ကိုင်းပိပြီး သေဆုံးသွားခဲ့သည်။
ဖြစ်စဥ်တွင် ပြီးခဲ့သည့် မတ်လ (၂)ရက် မွန်းလွဲ (၁၂း၀၀)နာရီဝန်းကျင်တွင် အမျိုးသမီးတစ်ဦးသည် ပဲသီးခူးနေစဥ် လေတိုက်ကာ သစ်ကိုင်းကျိုးကျပြီး ၎င်းအပေါ် သစ်ကိုင်းပိသွားခဲ့သည်။
ထိုသစ်ကိုင်းကျိုးကျမှုကြောင့် အသက်(၃၀)နှစ်အရွယ် ဒေါ်အီနိုင်သည် ဦးခေါင်းကိုရိုက်မိပြီး ပြင်းထန်သောဒဏ်ရာကြောင့် ပွဲချင်းပြီးသေဆုံးသွားခဲ့သည်။
၎င်း၏ရုပ်အလောင်းကို ကောင်နင်းကျေးရွာဒေသခံများမှ သွားရောက်ဝိုင်းဝန်းသယ်ဆောင်ခဲ့ပြီး ကောင်းမွန်စွာ မီးသဂြိုလ်ပေးခဲ့သည်။
#PSLF/TNLA
#သတင်းနင့်ပြန်ကြားရေးဌာန
မှတ်ချက်များ