နမ္မတူတွင် ထင်းသွားခွေသည့် အမျိုးသားတစ်ဦးသည် ချောက်ကမ်းပါးအောက်ပြုတ်ကျသေဆုံး
05 March 2025
နမ္မတူတွင် ထင်းသွားခွေသည့် အမျိုးသားတစ်ဦးသည် ချောက်ကမ်းပါးအောက်ပြုတ်ကျသေဆုံး
နမ္မတူ၊ မတ်လ ၅ရက်
တအာင်းပြည်သတင်း
တအာင်းပြည်၊ တပ်မဟာ( ၄)နယ်မြေ၊ နမ္မတူတွင် ထင်းသွားခွေသည့် အမျိုးသားတစ်ဦးသည် ချောက်ကမ်းပါးအောက်ပြုတ်ကျပြီး သေဆုံးသွားခဲ့သည်။
ဖြစ်စဉ်တွင် မြို့တွင်းရှိ စတိုကိုင်းရပ်ကွက်နေ ဦးအောင်ဆွေဆိုသူသည် ပြီးခဲ့သည့် ဖေဖော်ဝါရီလ (၂၆)ရက်နေ့တွင် တောအတွင်း ထင်းသွားခွေရာမှ ချော်လှဲပြီး ကျောက်ကမ်းပါးအောက် ပြုတ်ကျသွားခဲ့သည်။
ထိုအမျိုးသားသည် ပျောက်ဆုံးသွားပြီးနောက် မတ်လ ၃ရက်တွင် ၄င်း၏ရုပ်အလောင်းကို ချောက်ကမ်းပါးအောက်တွင် တွေ့ရှိခဲ့ခြင်းဖြစ်သည်။
အဆိုပါ ဦးအောင်ဆွေဆိုသူသည် အသက် (၇၅)နှစ်အရွယ်ရှိပြီး ၎င်းရုပ်အလောင်းကို ပလောင်ပြည်နယ်လွတ်မြောက်ရေးတပ်ဦး PSLF/TNLAတာဝန်ရှိသူနှင့် မေတ္တာရှင်လူမှုကူညီရေးအသင်းမှ သွားရောက်သယ်ဆောင်ပေးခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ