03 March 2025

တအာင်းပညာရေးထီ၏ (၂၁)ကြိမ်မြောက် အမြင့်ဆုံး သိန်း (၅၀၀)ဆုကို နိုင်ငံခြားရောက် ရခိုင်လူမျိုးတစ်ဦးမှ ဆွတ်ခူး

နမ့်ဆန်၊ မတ်လ ၃ရက်
တအာင်းပြည်သတင်း

တအာင်းပြည် ပညာရေးကို ရည်ရွယ်၍ဖွင့်လှစ်နေသည့် တအာင်းပညာရေးထီ၏ (၂၁)ကြိမ်မြောက် အမြင့်ဆုံး သိန်း (၅၀၀)ဆုကို နိုင်ငံခြားရောက် ရခိုင်လူမျိုးတစ်ဦးမှ ဆွတ်ခူးရရှိခဲ့သည်။

(၂၁) ကြိမ်မြောက် ထီဖွင့်ပွဲအား ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သောနယ်မြေတစ်နေရာတွင် မတ်လ ၁ရက် နံနက်ပိုင်းတွင် တအာင်းပြည်ပညာရေးကောင်စီ - TLECမှ ဦးဆောင် ဖွင့်လှစ်ခဲ့သည်။

သိန်း  (၅၀၀)ဆု၏ ဂဏန်းသည် အက္ခရာ (B-84501) ဖြစ်ကာ သိန်း (၅၀၀)ဆုအပြင်
သိန်း(၁၀၀)ဆု(၁)ဆု၊သိန်း(၅၀)ဆု (၁)ဆု၊ သိန်း(၃၀)ဆု (၂)ဆု၊ (၁၀)သိန်းဆု (၃)ဆု၊ (၅)သိန်းဆု (၆)ဆု၊(၂)သိန်းဆု (၃၀)ဆုနှင့် တွတ်(၃)ဆု စုစုပေါင်း (၄၇)ဆု ပေးအပ်ခဲ့သည်။

ပြီးခဲ့သည့် ဖေဖော်ဝါရီလ တအာင်းပညာရေးထီ၏ (၂၀)ကြိမ်မြောက် အမြင့်ဆုံး သိန်း (၅၀၀)ဆုကို
နမ့်ဆန်မြို့  မြသပိတ်ရပ်ကွက်တွင်နေထိုင်သည့် ဦးစိန်ပန်းမှ အက္ခရာ (A-48347) ဆွတ်ခူးရရှိသွားခဲ့သည်။

၂၀၂၄-၂၀၂၅ ပညာသင်နှစ် အခြေခံပညာ စာသင်ကျောင်းပေါင်း (၆၀၀)ကျော်၊ ကျောင်းသူ/သား (၆၆၀၀၀)ကျော်နှင့် ဆရာ/မ (၃၅၀၀)ကျော်ဖြင့် ဖွင့်လှစ်နိုင်ခဲ့ပြီး လာမည့် ၂၀၂၅-၂၀၂၆ ပညာသင်နှစ်တွင်လည်း ကျန်ရှိနေသည့်မြို့နယ်တို့တွင် အခြေခံပညာစာသင်ကျောင်းပေါင်း (၇၀၀) ကျော် ဆက်လက်ဖွင့်လှစ်သွားရန် စီစဉ်ဆောင်ရွက်နေပါသည်။

စာသင်ကျောင်းများလိုအပ်သည့် ရန်ပုံငွေနှင့် ဆရာ/ဆရာမ (၃၅၀၀)ကျော်အတွက် လိုအပ်သည့် လစာငွေများအား တအာင်းထီ ရောင်းရသည့်ငွေမှ လစဥ်ထောက်ပံ့ပေးနေခြင်းဖြစ်ရာ အနယ်အနယ်အရပ်ရပ်မှ မိဘပြည်သူများအနေဖြင့် တအာင်းပြည်မှ ကလေးငယ်များ၏ပညာရေးအား အထောက်အပံ့ဖြစ်ရန် တအာင်းပညာရေးထီအား ထိုးပေးကြရန် လိုအပ်ကြောင်းတိုက်တွန်းလိုက်ရပါသည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်