ကျောက်မဲတွင် စစ်ကောင်စီတပ်မှ လေကြောင်းဖြင့် ယခင်တပ်စခန်း ၅၀၁ပေါ် တွင် လာရောက်ဗုံးကြဲတိုက်ခိုက်
03 March 2025
ကျောက်မဲတွင် စစ်ကောင်စီတပ်မှ လေကြောင်းဖြင့် ယခင်တပ်စခန်း ၅၀၁ပေါ် တွင် လာရောက်ဗုံးကြဲတိုက်ခိုက်
ကျောက်မဲ၊ မတ်လ ၃ရက်
တအာင်းပြည်သတင်း
တအာင်းပြည်၊ တပ်မဟာ (၂)နယ်မြေ၊ ကျောက်မဲမြို့၊ (၂)မိုင်ကုန်းရပ်ကွက်၊ ယခင်တပ်စခန်း ၅၀၁တွင် စစ်ကောင်စီတပ်မှ လေကြောင်းဖြင့် လာရောက်ဗုံးကြဲတိုက်ခိုက်ခဲ့ပါသည်။
ယနေ့ မတ်လ ၃ရက် နံနက် (၁၀း၀၀)နာရီအချိန်တွင် လေကြောင်းဖြင့် ဗုံး (၁)လုံး လာရောက်ကြဲချတိုက်ခိုက်ခဲ့ပါသည်။
ပြီးခဲ့သည့် ဖေဖော်ဝါရီလ ၂၈ရက်လည်း နောင်ချိုမြို့နယ် ရွှေမုဠောကျေးရွာတွင် စစ်ကောင်စီတပ်မှ လေကြောင်းဖြင့် ဗုံးကြဲတိုက်ခိုက်မှုကြောင့် မယ်သီလရှင် (၁)ပါး ထိခိုက်ဒဏ်ရာရရှိခဲ့သည်။
စစ်ကောင်စီတပ်သည် တိုက်ပွဲဖြစ်ပွားခြင်းမရှိဘဲ အရပ်သားများအား ရည်ရွယ်ချက်ရှိရှိ ဦးတည် ဗုံးကြဲတိုက်ခိုက်နေပါသည်။ ထိုကြောင့် မိဘပြည်သူများအနေဖြင့် စစ်ကောင်စီ၏ ဗုံးကြဲတိုက်ခိုက်မှုများ ရှောင်ရှားနိုင်ရန်၊ စစ်ရေးသတိအမြဲရှိရန်လိုအပ်ပြီး လေကြောင်းရန်မှ ကာကွယ်နိုင်ရန်၊ လေကြောင်းရန်ကာကွယ်ရေးဆိုင်ရာနည်းလမ်းများ လိုက်နာဆောင်ရွက်ရန် လိုအပ်ပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ