03 March 2025

မိုးကုတ်တွင် မူးယစ်ဆေးဝါးသုံးစွဲသူ (၇၁)ဦးကို PSLF/TNLAမှ အကျင့်စာရိတ္တပြုပြင်ပေးပြီး ပြန်လွှတ်ပေး

မိုးကုတ်၊ မတ်လ ၃ရက်
တအာင်းပြည်သတင်း

တအာင်းပြည်၊ တပ်မဟာ (၂)နယ်မြေ၊ မိုးကုတ်မြို့နယ်အတွင်း ဖမ်းဆီးရမိသည့် မူးယစ်ဆေးဝါးသုံးစွဲသူ (၇၁)ဦးကို ပလောင်ပြည်နယ်လွတ်မြောက်ရေးတပ်ဦး PSLF/TNLAမှ အကျင့်စာရိတ္တပြုပြင်ပေးပြီး ပြန်လွှတ်ပေးခဲ့သည်။

ပြီးခဲ့သည့် ဖေဖော်ဝါရီလ ၂၅ရက်တွင် ၎င်းတို့ကို ပြန်လွှတ်ပေးခဲ့ပြီး ထိုသူများသည် မိုးကုတ်မြို့နယ်အတွင်း PSLF/TNLA၏ မူးယစ်ဆေးဝါးတိုက်ဖျက်ရေးတပ်ဖွဲ့မှ ဖမ်းဆီးရမိခဲ့ပါသည်။ ၎င်းအပြင် အချို့သောမိဘပြည်သူများမှ မိမိကိုယ်တိုင် သားများကို အကျင့်စာရိတ္တပြုပြင်ပေးရန် လာရောက်အပ်နှံခဲ့ပါသည်။

၎င်းတို့ကို အကျင့်စာရိတ္တပြုပြင်ရေးစခန်းတွင်  မူးယစ်ဆေးဝါးတိုက်ဖျက်ရေးအဖွဲ့မှ (၆)လကြာ အကျင့်စာရိတ္တပြုပြင်ပေးခဲ့ပါသည်။ ထိုနောက် ၎င်းတို့ကို သက်ဆိုင်ရာတာဝန်ရှိသူများနှင့် မိဘထံ ပြန်လည်အပ်နှံပေးခဲ့ပါသည်။

မူးယစ်ဆေးဝါးသုံးစွဲသူများသည် ပထမအကြိမ် အကျင့်စာရိတ္တပြုပြင်ရေးစခန်းတွင် ပို့ဆောင်ခံရပါက (၆) လ ပြစ်မှုခံရမည်ဖြစ်ပြီး ဒုတိယအကြိမ် ထပ်မံသုံးစွဲပါက (၃)နှစ်ကြာ အကျင့်စာရိတ္တပြုပြင်ရေးစခန်းသို့ ပို့ဆောင်ခံရမည်ဖြစ်သည်။

ပြီးခဲ့သည့် ဇန်နဝါရီလ ၇ရက်တွင်ကျောက်မဲမြို့နယ်တွင် PSLF/TNLA မူးယစ်ဆေးဝါးတိုက်ဖျက်ရေးတပ်ဖွဲ့မှ မူးယစ်ဆေးဝါးသုံးစွဲသူ (၁၃၁)ဦးကို အကျင့်စာရိတ္တပြုပြင်ပြီး ပြန်လွှတ်ပေးခဲ့ပါသည်။

၁၀၂၇ စစ်ဆင်ရေးမတိုင်ခင်ထိ တအာင်းပြည်အတွင်း မူးယစ်ဆေးဝါးသုံးစွဲသူများပြားပြီး ယခု PSLF/TNLA အုပ်ချုပ်ပြီးနောက် တရားဥပဒေစိုးမိုးရေးလုပ်ငန်းများဆောင်ရွက်ကာ မူးယစ်ဆေးဝါးရောင်းဝယ်၊ သုံးစွဲသူများကို ထိရောက်စွာအရေးယူနိုင်ခဲ့သည်။


#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်