885

တအာင်းပြည်တွင် ဖေဖော်ဝါရီလအတွင်း မီးလောင်မှု (၃)ကြိမ်ဖြစ်ပွားကာ ဒေသခံ (၃)ဦး မီးလောင်ဒဏ်ရာရ၊ သိန်းပေါင်း (၈၅၀)သိန်းကျော် မီးလောင်ဆုံးရှုံး

ဒေသတွင်းသတင်း / ဒေသတွင်း
01 March 2025

တအာင်းပြည်တွင် ဖေဖော်ဝါရီလအတွင်း မီးလောင်မှု (၃)ကြိမ်ဖြစ်ပွားကာ ဒေသခံ (၃)ဦး မီးလောင်ဒဏ်ရာရ၊ သိန်းပေါင်း (၈၅၀)သိန်းကျော် မီးလောင်ဆုံးရှုံး


တအာင်းပြည်သတင်း၊ မတ်လ ၁ရက်


ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သောမြို့နယ်များတွင် ဖေဖော်ဝါရီလ တစ်လအတွင်း မီးလောင်မှု (၃)ကြိမ်ဖြစ်ပွားပြီး ဒေသခံ (၃)ဦး မီးလောင်ဒဏ်ရာရရှိကာ ကျပ်သိန်းပေါင်း (၈၅၀)သိန်းကျော် မီးလောင်ဆုံးရှုံးသွားခဲ့သည်။





မိုးကုတ်မြို့တွင် ပြီးခဲ့သည့် ဖေဖော်ဝါရီလ ၂ရက် ညနေပိုင်း (၄း၃၅)နာရီအချိန်တွင် ဦးကျော်မင်းဦးသည် မီးစက်နိုးထားပြီး ဝါယာကြိုးမှတစ်ဆင့် ရှော့ဖြစ်ကာမီးကူးစက်လောင်ကျွမ်းသွားခဲ့ရာ ဦးကျော်မင်းဦးနှင့် ဦးဇော်မင်းထွန်းတို့ (၂)ဦးသည် မီးလောင်ဒဏ်ရာရရှိခဲ့သည်။





ထိုဆိုင်တွင် ကွန်ပျူတာမျက်စိစမ်းသပ်ခန်းနှင့် မျက်မှန်၊ မျက်ကပ်မှန်ဆိုင်ခန့်အတွင်းရှိ ပစ္စည်းကိရိယာနှင့် အသုံးအဆောင်ပစ္စည်းများအပါအဝင် ဆုံးရှုံးမှုကာလတန်ဖိုး စုစုပေါင်းကျပ်ငွေ သိန်း (၁၀၀)ကျော် မီးလောင်ဆုံးရှုံးသွားခဲ့သည်။





အလားတူ ကွတ်ခိုင်မြို့ အ.မ.က (၅)ကျောင်းတွင် ပြီးခဲ့သည့် ဖေဖော်ဝါရီလ ၁၁ရက် ညသန်းခေါင် (၁၂း၁၀)နာရီအချိန်တွင် စာသင်ကျောင်းအဆောင်တွင် ခိုလုံနေသည့် အသက် (၅၇)နှစ်အရွယ် တားကျော်ဟိန်းသည် ညအိပ်နေချိန်တွင် ဖယောင်းတိုင်ထွန်းထားပြီး အပြင်သွားနေစဥ် မီးစတင်လောင်ကျွမ်းသွားခဲ့သည်။





ထိုမီးလောင်နေသည့် ကျောင်းသည် စုစုပေါင်း ပစ္စည်းဆုံးရှုံးမှု ကာလတန်ဖိုး ကျပ်ငွေပေါင်း (၅၀)ကျပ် မီးလောင်ဆုံးရှုံးသွားခဲ့သည်။


ထို့အပြင် မိုးမိတ်မြို့နယ် ညောင်ပင်စောက်ကျေးရွာတွင် ပြီးခဲ့သည့် ဖေဖော်ဝါရီလ ၁၉ရက် ညနေ (၅း၀၅)နာရီအချိန်တွင် ဖုန်းကို ဆိုလာပြားနှင့်တိုက်ရိုက်သွင်းထားရာမှ ဖုန်းပေါက်ကွဲပြီး ဘေးတွင်ရှိထားသည့် ဘက်ထရီကနေတစ်ဆင့် နေအိမ်စတင်မီးလောင်သွားခဲ့ပြီး အမျိုးသားတစ်ဦး မီးလောင်ဒဏ်ရာရရှိခဲ့သည်။


နေအိမ်အတွင်းရှိ ပစ္စည်းများ၊ ဆွဲကြိုး (၁)ကုံး၊ လက်စွပ် (၂)ကွင်း၊ နားကပ် (၁)စုံ၊ ပိုက်ဆံ (၁၀)သိန်း၊ ကျောက် (၁)လုံးနှင့် ဖုန်း (၂)လုံးအပါအဝင် စုစုပေါင်းကာလတန်ဖိုး သိန်းပေါင်း (၇၀၀) မီးလောင်ဆုံးရှုံးသွားခဲ့သည်။


ထိုမီးလောင်မှုဖြစ်ပွားနေစဥ် ပလောင်ပြည်နယ်လွတ်မြောက်ရေးတပ်ဦး PSLF/TNLA မီးသတ်တပ်ဖွဲ့နှင့် ပြည်သူလူထုများမှ ဝိုင်းဝန်းပြီး မီးငြိမ်းသတ်ပေးခဲ့သည်။


#PSLF/TNLA

#သတင်းနှင့်ပြန်ကြားရေးဌာန

Topics: တအာင်းပြည်တွင် ဖေဖော်ဝါရီလအတွင်း မီးလောင်မှု (၃)ကြိမ်ဖြစ်ပွားကာ ဒေသခံ (၃)ဦး မီးလောင်ဒဏ်ရာရ၊ သိန်းပေါင်း (၈၅၀)သိန်းကျော် မီးလောင်ဆုံးရှုံး
Tags: တအာင်းအမျိုးသားလွတ်မြောက်ရေးတပ်မတော် တအာင်းနိုင်ငံရေး တအာင်းပြည် တအာင်းသတင်း တအာင်းပြည်အစိုးရ

မှတ်ချက်များ
သင်၏ ထင်မြင်ချက်