နောင်ချိုတွင် တရားဥပဒေစိုးမိုးရေးတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦး ဖမ်းဆီးရမိ
01 March 2025
နောင်ချိုတွင် တရားဥပဒေစိုးမိုးရေးတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦး ဖမ်းဆီးရမိ
နောင်ချို၊ မတ်လ ၁ရက်
တအာင်းပြည်သတင်း
တအာင်းပြည်၊ တပ်မဟာ (၂)နယ်မြေ၊ ကျောက်မဲခရိုင်၊ နောင်ချိုမြို့တွင် တရားဥပဒေစိုးမိုးရေးရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦးကို ဖမ်းဆီးရမိခဲ့သည်။
ဖြစ်စဥ် ယမန်နေ့ ဖေဖော်ဝါရီလ ၂၈ရက် နောင်ချိုမြို့ တရားဥပဒေစိုးမိုးရေးတပ်ဖွဲ့မှ မြို့အတွင်းကင်းလှည့်နေစဥ် ယခင်စစ်ကောင်စီတပ် (၁၁၅)တပ်စခန်းအနီးတွင် ဖမ်းဆီးရမိခဲ့ခြင်းဖြစ်သည်။
ထိုမူးယစ်ဆေးဝါးရောင်းဝယ်သူသည် အသက် (၃၁)နှစ်အရွယ် ဦးမျိုးမင်းအောင်ဆိုသူဖြစ်ပြီး ယာမ(WY) တံဆိပ်ပါစိတ်ကြွဆေးပြား အထုပ် (၄)ထုပ် (ဆေးပြား ၈၀၀လုံး)နှင့် ဖုန်းတစ်လုံးအတူ ဖမ်းဆီးရမိခဲ့သည်။
ထိုအမျိုးသားသည် နောင်ချိုမြို့နယ်၊ နယ်မြေ (၁၀)၊ တောင်ရပ်ကွက်တွင် နေထိုင်ကြပြီး မူးယစ်ဆေးဝါးရောင်းချနေခြင်းသည် (၃)နှစ်ထိ ရှိခဲ့ပြီးဖြစ်သည်။ ၎င်းကို တရားဥပဒေစိုးမိုးရေးတပ်ဖွဲ့မှ မူးယစ်ဆေးဝါးဥပဒေနှင့်အရေးယူဆောင်ရွက်သွားမည်ဖြစ်သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ