28 February 2025

တအာင်းပြည်တွင် ဖေဖာ်ဝါရီလအတွင်း ယာဥ်တိမ်းမှောက်မှုနှင့် ယာဥ်တိုက်မှု (၆)ကြိမ်ဖြစ်ပွားကာ ဒေသခံ (၃)ဦး သေဆုံး၊ (၅)ဦး ဒဏ်ရာရရှိ

တအာင်းပြည်၊ ဖေဖော်ဝါရီလ ၂၈ရက်

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သောမြို့နယ်များတွင် ဖေဖော်ဝါရီလ တစ်လအတွင်း ယာဥ်တိမ်းမှောက်မှုနှင့် ယာဉ်တိုက်မှု (၆)ကြိမ်ဖြစ်ပွားခဲ့ကာ ဒေသခံ (၃)ဦး သေဆုံးပြီး (၅)ဦး ထိခိုက်ဒဏ်ရာရရှိခဲ့သည်။

အဆိုပါ ယာဉ်တိုက်မှုများသည် ပြီးခဲ့သည့် ဖေဖော်ဝါရီလ ၁၂ရက်တွင် မူဆယ်မြို့နယ်၊ နမ့်အွမ်ကျေးရွာတွင် အမျိုးသားတစ်ဦးသည် ဆိုင်ကယ်ကို အရှိန်လွန်မောင်းရာမှ ရေမြောင်းအတွင်း ပြုတ်ကျခဲ့ပြီး ဒဏ်ရာရရှိခဲ့ပါသည်။

ပြီးခဲ့သည့် ဖေဖော်ဝါရီလ ၁၅ရက်လည်း နမ့်ဆန်မြို့နယ်၊ အထက်မန်လွယ်ရွာတွင် လမ်းဖောက်နေသည့် မြေတူးကားတစ်စီးသည် ဘရိတ်ပျက်ပြီး တိမ်းမှောက်မှုဖြစ်ပွားချိန် ယာဉ်မောင်းဖြစ်သူသည် ကားပေါ်မှခုန်ချရာတွင် မလွတ်ဘဲ သေဆုံးသွားခဲ့သည်။

အလားတူ မန်ခိုက်ရပ်ကွက်တွင် ပြီးခဲ့သည့် ဖေဖော်ဝါရီလ ၁၆ရက်လည်း မြို့အတွင်းမှထွက်လာသည့် ကျောက်သယ်ကားတစ်စီးသည် အမျိုးသမီးတစ်ဦးကို ဝင်တိုက်မိခဲ့ပြီး ထိုအမျိုးသမီးအား နေရာပင် ပွဲချင်းပြီးသေဆုံးသွားခဲ့သည်။

မိုးကုတ်မြို့အနောက်ပိုင်း ကျပ်ပြင်ရပ်ကွက်တွင် ပြီးခဲ့သည့် ဖေဖော်ဝါရီလ ၁၉ရက်လည်း အမျိုးသားတစ်ဦးသည် ဆိုင်ကယ်ကို အရှိန်လွန်မောင်းရာမှ ဓာတ်တိုင်ကို တိုက်မိပြီး သေဆုံးခဲ့သည်။ ထိုနေ့လည်း နန်းနွဲ့ကျေးရွာတွင် အမျိုးသားတစ်ဦးမောင်းနှင်းလာသည့်ကားတစ်စီးသည် ဘီးလွတ်ရာမှ ဆိုင်ကယ်ကိုသွားထိရာ ဆိုင်ကယ်သမား (၂)ဦး ဒဏ်ရာအပြင်းအထန်ရရှိခဲ့သည်။

ပြီးခဲ့သည့် ဖေဖော်ဝါရီလ ၂၆ရက်လည်း သီပေါမြို့နယ် ဘော်ကြိုအုပ်စု ဆားတွင်းကျေးရွာတွင် ဆိုင်ကယ် (၂)စီးသည် ယာဥ်တိုက်မှုဖြစ်ပွားကား ယာဥ်မောင်း (၂)ဦး ပြင်းထန်ဒဏ်ရာရရှိခဲ့သည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်