28 February 2025

တစ်လအတွင်း ကျေးရွာ(၂၀)ရွာကို PSLF/TNLA အမျိုးသမီးဖွံ့ဖြိုးတိုးတက်ရေးဌာနမှ ကွင်းဆင်းအသိပညာပေးမှုပြုလုပ်နိုင်ခဲ့

တအာင်းပြည်၊ ဖေဖော်ဝါရီလ ၂၈ရက်

ပလောင်ပြည်နယ်လွတ်မြောက်ရေးတပ်ဦး PSLF/TNLA၏ ဌာနတစ်ခုဖြစ်သည့် အမျိုးသမီးဖွံ့ဖြိုးတိုးတက်ရေးဌာနသည် ဖေဖော်ဝါရီလအတွင်း ကျေးရွာပေါင်း (၂၀)ရွာရှိ ဒေသခံပြည်သူများထံ အသိပညာပေးမှုများ ကွင်းဆင်းဆောင်ရွက်နိုင်ခဲ့သည်။

ထိုအသိပညာပေးမှုကွင်းဆင်းရာတွင် နမ့်ဆန်မြို့နယ်ရှိ ကျေးရွာ (၁၄)ရွာ၊ နမ္မတူမြို့နယ်ရှိ ကျေးရွာ (၅)ရွာနှင့်  ကွတ်ခိုင်မြို့ရှိ ကျေးရွာ (၁)ရွာတို့ဖြစ်ကြသည်။

ထိုကျေးရွာမှ ဒေသခံပြည်သူများကို အမျိုးသမီးနှင့်စီးပွားရေး၊ အမျိုးသမီးအခွင့်အရေး၊ ကလေးသူငယ်အခွင့်အရေး၊ အမျိုးသမီးနှင့်မိသားစုစီမံကိန်း၊ အရွယ်မတိုင်မီစောစီးစွာအိမ်ထောင်ပြုခြင်းနှင့် ဆယ်ကျော်သက်ပြောင်းလဲမှုစသည့် အသိပညာပေးပြုလုပ်ခဲ့သည်။

အဆိုပါ အသိပညာပေးဟောပြောပွဲတွင် နမ့်ဆန်မြို့နယ်၊ နမ္မတူမြို့နယ်နှင့် ကွတ်ခိုင်မြို့နယ်မှ ကျေးရွာဒေသခံစုစုပေါင်း လူဦးရေ (၉၅၉) ဦးပါဝင်ဆွေးနွေးခဲ့သည်။

PSLF/TNLA အမျိုးသမီးဖွံ့ဖြိုးတိုးတက်ရေးဌာနအနေဖြင့် တအာင်းပြည်အတွင်း အမျိုးသမီးများအပေါ် အကြမ်းဖက်မှုလျော့ကျစေရေးလုပ်ငန်းစဉ်များ၊ အမျိုးသမီးစွမ်းရည်မြင့်တင်ရေးနှင့် စည်းရုံးရေးလုပ်ငန်းစဉ်များ၊ အိမ်တွင်းမှုနှင့်   ဝင်ငွေလှည့်ပတ်စီးဆင်းမှုလုပ်ငန်းစဉ်များ ချမှတ်ကာ အကောင်အထည်ဖော်ဆောင်ရွက်လျက်ရှိသည်။

ပြီးခဲ့သည့် ဇန်နဝါရီလအတွင်းလည်း  နမ္မတူမြို့နယ် ကျေးရွာ (၉)ရွာနှင့် မိုင်းငေါ့မြို့နယ် ကျေးရွာ(၃)ရွာများမှ ဒေသခံ စုစုပေါင်းလူဦးရေ (၃၇၅) ဦးအား အသိပညာပေး ကွင်းဆင်းဆောင်ရွက်နိုင်ခဲ့ပြီးဖြစ်သည်။

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်