27 February 2025

မိုင်းယု(၁၀၅)မိုင်တွင် ဆိုင်ကယ်မောင်းသူမှ သတိလစ်ကာ တိမ်းမှောက်မှုဖြစ်ပွား၊ (၁)ဦး သေဆုံး၊ (၁)ဦး ပြင်းထန်ဒဏ်ရာရ

မူဆယ်၊ ဖေဖော်ဝါရီလ ၂၇ရက်

တအာင်းပြည်သတင်း

တအာင်းပြည်၊ တပ်မဟာ(၁)နယ်မြေ၊ မိုင်းယု(၁၀၅)မိုင်တွင် သားအဖ(၂)ဦးမှ ဆိုင်ကယ်စီးရာတွင် ဖခင်ဖြစ်သူမှ ရုတ်တရက်သတိလစ်ကာ တိမ်းမှောက်မှုဖြစ်ပွားရာ ယာဥ်မောင်းဖြစ်သူမှ သေဆုံးခဲ့ပြီး သားဖြစ်သူမှ ဒဏ်ရာပြင်းထန်ရရှိခဲ့သည်။

ဖြစ်စဥ်တွင် ယမန်နေ့ မွန်းလွဲ (၁၂း၃၀) နာရီအချိန်တွင် သားအဖ(၂)ဦးသည် ဆိုင်ကယ်ဖြင့် မူဆယ်မြို့မှ ကွတ်ခိုင်မြို့သို့သွားစဥ်  မိုင်းယု (၁၀၅)မိုင် ရွှေစတားထက်ဆီဆိုင်ရှေ့ရောက်ချိန် ဖခင်ဖြစ်သူမှ ရုတ်တရက်သတိလစ်မှုကြောင့် တိမ်းမှောက်သွားခဲ့သည်။

အဆိုပါ သေဆုံးသွားသည့်သူသည် ဆွန်လုံကျေးရွာဒေသခံ အသက် (၃၁)နှစ်အရွယ် ကိုဟောင်းခေါင်ဆိုသူဖြစ်ပြီး အသက် (၄)နှစ်အရွယ် သားဖြစ်သူမှ  ဦးခေါင်းနှင့် ညာဘက်မျက်လုံးတွင် ဒဏ်ရာပြင်းထန်မှုရရှိခဲ့သည်။

ပြီးခဲ့သည့် ဖေဖော်ဝါရီလ ၂၃ရက်လည်း မိုင်းယု(၁၀၅)မိုင်မှ ဟိုနောင်ကျေးရွာသို့ပြန်သည့် အိမ်စီးကားတစ်စီးသည် လမ်းဘေးဓာတ်တိုင်အား အရှိန်လွန်ဝင်တိုက်မိရာမှ (၁)ဦး သေဆုံးပြီး (၂) ဦးဒဏ်ရာရရှိခဲ့သည်။ 

အလားတူ ဖေဖော်ဝါရီ ၁၂ရက်တွင် အမျိုးသားတစ်ဦးသည် ကားစမ်းမောင်းကြည့်ရာမှ ချောက်အတွင်းထိုးကျကာ တိမ်းမှောက်ပြီး ယာဉ်မောင်းဖြစ်သူ ဒဏ်ရာရရှိခဲ့သည်။

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်