ဆားတွင်းတွင် ဆိုင်ကယ်ယာဥ်တိုက်မှုဖြစ်ပွားရာတွင် ယာဥ်မောင်း (၂)ဦး ပြင်းထန်ဒဏ်ရာရ
27 February 2025
ဆားတွင်းတွင် ဆိုင်ကယ်ယာဥ်တိုက်မှုဖြစ်ပွားရာတွင် ယာဥ်မောင်း (၂)ဦး ပြင်းထန်ဒဏ်ရာရ
သီပေါ၊ ဖေဖော်ဝါရီလ ၂၇ရက်
တအာင်းပြည်သတင်း
တအာင်းပြည်၊ တပ်မဟာ (၂)နယ်မြေ၊ သီပေါမြို့နယ် ဘော်ကြိုအုပ်စု ဆားတွင်းကျေးရွာတွင် ဆိုင်ကယ်ယာဥ်တိုက်မှုဖြစ်ပွားရာမှ ယာဥ်မောင်း (၂)ဦး ပြင်းထန်ဒဏ်ရာရရှိခဲ့သည်။
ဖြစ်စဉ်တွင် ပြီးခဲ့သည့် ဖေဖော်ဝါရီလ ၂၆ရက် နံနက် (၈:၂၀)နာရီအချိန်တွင် ကျောက်မဲမြို့မှလာသည့် ဆိုင်ကယ်တစ်စီးနှင့် ဆားတွင်းကျေးရွာမှထွက်လာသော ဆိုင်ကယ်တစ်စီးတို့ ယာဥ်တိုက်မှုဖြစ်ပွားခဲ့သည်။
အဆိုပါ ယာဉ်တိုက်မှုကြောင့် ဆိုင်ကယ် (၂)စီး ပျက်စီးသွားကာ ယာဥ်မောင်းဖြစ်သူလည်း အပြင်းအထန်ဒဏ်ရာရရှိခဲ့ကြသည်။ ၎င်းတို့ကို ဆေးကုသရန် ပလောင်ပြည်နယ်လွတ်မြောက်ရေးတပ်ဦး PSLF/TNLA တာဝန်ရှိသူနှင့် လူမှုကူညီရေးအသင်းမှ ပို့ဆောင်ပေးခဲ့သည်။
ပြီးခဲ့သည့် ဒီဇင်ဘာလ ၂၄ရက်တွင် သီပေါမြို့နယ် စံဖိတ်ကျေးရွာတွင် ကားနှင့်ဆိုင်ကယ်ယာဥ်တိုက်မှုဖြစ်ပွားပြီး ကလေးငယ်တစ်ဦး ပွဲချင်းပြီးသေဆုံးသွားခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ