မိုင်းယု (၁၀၅)မိုင်တွင် ကားတစ်စီးအရှိန်လွန်၍ ဓာတ်တိုင်အား ဝင်တိုက်မိကာ (၁)ဦး သေဆုံး၊ (၂)ဦးဒဏ်ရာရ
25 February 2025
မိုင်းယု (၁၀၅)မိုင်တွင် ကားတစ်စီးအရှိန်လွန်၍ ဓာတ်တိုင်အား ဝင်တိုက်မိကာ (၁)ဦး သေဆုံး၊ (၂)ဦးဒဏ်ရာရ
မိုင်းယု၊ ဖေဖော်ဝါရီလ ၂၅ရက်
တအာင်းပြည်သတင်း
တအာင်းပြည်၊ တပ်မဟာ (၁)နယ်မြေ၊ မူဆယ်မြို့နယ် မိုင်းယု (၁၀၅)မိုင်တွင် ကားတစ်စီးအရှိန်လွန်ပြီး ဓာတ်တိုင်အား ဝင်တိုက်မိရာမှ (၁)ဦးသေဆုံးပြီး (၂)ဦး ဒဏ်ရာရရှိခဲ့သည်။
ဖြစ်စဥ်တွင် ဖေဖော်ဝါရီလ ၂၃ရက် နံနက်အစောပိုင်း (၃:၀၀)နာရီအချိန်တွင် ကားတစ်စီးသည် မိုင်းယု (၁၀၅)မိုင်မှ ဟိုနောင်ကျေးရွာသို့အပြန် လမ်းဘေးရှိဓာတ်တိုင်အား အရှိန်လွန်ဝင်တိုက်မိခဲ့ခြင်းဖြစ်သည်။
၎င်းနောက် ကားပေါ်တွင်လိုက်ပါလာသည့် လူ (၆)ဦးအတွင်း အသက် (၃၅)နှစ်အရွယ် အမျိုးသား (၁)ဦး သေဆုံးခဲ့ပြီး (၂)ဦးသည် ထိခိုက်ဒဏ်ရရှိခဲ့သည်။
ပြီးခဲ့သည့် ဖေဖော်ဝါရီလ ၁၂ရက်လည်း မိုင်းယု (၁၀၅)မိုင်တွင် အမျိုးသားတစ်ဦးသည် ကားစမ်းမောင်းကြည့်ရာမှ ချောက်အတွင်းထိုးကျကာ တိမ်းမှောက်ပြီး ယာဥ်မောင်းဒဏ်ရာရရှိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ