15 February 2025

နမ့်တွေကျေးရွာတွင်  TLA အဖွဲ့မှ အခြေခံတအာင်းရုံးသုံးစာသင်တန်းဆင်းပွဲ အခမ်းအနားကျင်းပပြီးစီးခဲ့

မိုင်းငေါ့၊ ဖေဖော်ဝါရီလ ၁၅ ရက်
တအာင်းပြည်သတင်း

တအာင်းပြည်၊ တပ်မဟာ(၂)နယ်မြေ၊ မိုင်းငေါ့မြို့နယ် နမ့်တွေကျေးရွာတွင် Taang Literature Association- TLA အဖွဲ့မှ အခြေခံတအာင်းရုံးသုံးစာသင်တန်းဆင်းပွဲအခမ်းအနားကို ပြီးခဲ့သည့်  ဖေဖော်ဝါရီလ ၁၀ ရက်တွင် ကျင်းပပြီးစီးခဲ့သည်။

အဆိုပါ အခြေခံတအာင်းရုံးသုံးစာသင်တန်းကို ပြီးခဲ့သည့် ဇန်နဝါရီလ ၃ရက်နေ့တွင် စတင်ဖွင့်လှစ်ပြီး  သင်တန်းသား ၄ ဦးနှင့် သင်တန်းသူ ၁၆ ဦး  သင်ကြားပေးခဲ့သည်။ ထိုတအာင်းစာသင်တန်းပြီးမြောက်သွားခဲ့သည့် သင်တန်းသူ/သားများကို တအာင်းစာပေအဖွဲ့မှ သင်တန်းပြီးမြောက်ကြောင်း (Certificate) လက်မှတ်ပေးအပ်ချီးမြှင့်ပေးခဲ့သည်။

အခြေခံတအာင်းရုံးသုံးစာသင်တန်း ဖွင့်လှစ်ရသည့် ရည်ရွယ်ချက်သည် တအာင်းရုံးသုံးစာ/ စကားပြန့်ပွားရေး၊ တအာင်းမျိုးနွယ်စုများ စကားလုံးအသုံးနှုန်း ဝေါဟာရတူညီခြင်း၊ တအာင်းပညာရေးဌာနဆိုင်ရာ တအာင်းစာပေ ထည့်သွင်းသင်ကြားနိုင်ခြင်း၊ တအာင်းမိခင်ဘာသာစကား မပပျောက်ခြင်း၊ တအာင်းအဖွဲ့အစည်း ဌာနဆိုင်ရာဝန်ထမ်းများနှင့် ရုံးဌာနတိုင်း တအာင်းရုံးသုံးစာဘာသာဖြင့် အသုံးပြုနိုင်ခြင်း၊ တအာင်းစာအုပ်စာပေ ပုံနှိပ်မဂ္ဂဇင်းစာအုပ်များ ထုတ်ဝေနိုင်ခြင်း၊ တအာင်းပညာရေးကျောင်းအတွင်း တအာင်းစာပေဘာသာရပ်များ ပို့ချပေးရန်အတွက် ဆရာ/မဝန်ထမ်းများ မွေးထုတ်နိုင်ရန် ရည်ရွယ်ပြီး ဖွင့်လှစ်သင်ကြားပေးခဲ့ခြင်းဖြစ်သည်။

ဇန်နဝါရီလနှင့် ဖေဖော်ဝါရီလ (၂)လသာအတွင်း တအာင်းစာပေအဖွဲ့(TLA) မှ အခြေခံတအာင်းရုံးသုံးစာသင်တန်းကို (၄)ခုဖွင့်လှစ်ခဲ့ပြီး ထိုသင်တန်းကိုလည်း သင်ကြားပို့ချပေးနိုင်ခဲ့ပြီး ဖြစ်ပါသည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်