08 February 2025

အမျိုးသားတစ်ဦးမှ စစ်ကောင်စီထောင်ထားခဲ့သည့်မိုင်း ကောက်ယူဆော့မိရာ ပေါက်ကွဲမှုဖြစ်ပြီး ပွဲချင်းပြီးသေဆုံး၊ တစ်ဦးဒဏ်ရာပြင်းထန်

သီပေါ၊ ဖေဖော်ဝါလ ၈ ရက်
တအာင်းပြည်သတင်း

တအာင်းပြည်၊ တပ်မဟာ (၂)နယ် သီပေါမြို့တွင် အမျိုးသားတစ်ဦးမှ စစ်ကောင်စီတပ် ထောင်ထားခဲ့သည့်မိုင်းတစ်လုံးကောက်ယူဆော့မိရာမှ ပေါက်ကွဲမှုဖြစ်ပြီး ပွဲချင်းပြီးသေဆုံး၊ တစ်ဦးမိုင်းစထိမှန်ဒဏ်ရာပြင်းထန်မှုရရှိခဲ့သည်။

ဖြစ်စဉ်တွင် ဖေဖော်ဝါရီလ ၆ ရက်နေ့ ညနေ (၅:၃၀)အချိန်၌ မြို့ပြင်ရှိ စစ်ကောင်စီတပ်စခန်းချခဲ့ဖူးသည့် မြရွှေဂူဘုန်းကြီးကျောင်းဘေးတွင် ကိုမူဆာဆိုသူ အမျိုးသားတစ်ဦးသည် နင်းမိုင်းတစ်လုံးတွေ့ရှိကောက်ယူဆော့မိရာမှ ပေါက်ကွဲမှုဖြစ်ပွားခြင်းဖြစ်သည်။

ထိုပေါက်ကွဲမှုကြောင့် အသက် (၂၄) နှစ်အရွယ် ကိုမူဆာဆိုသူ၏ ၀မ်းဗိုက်နှင့် လက်နှစ်ဘက်ပြတ်ဒဏ်ရာပြင်းထန်မှုကြောင့် နေရာပင် ပွဲချင်းပြီးသေဆုံးသွားပြီး အသက် (၁၇)နှစ်အရွယ် မတင့်တင့်ထွန်းဆိုသူမှ  မိုင်းစထိမှန်ဒဏ်ရာရရှိခဲ့သည်။

အလားတူ ဖေဖော်ဝါရီလ ပထမပတ်အတွင်းတွင် ကွတ်ခိုင်မြို့နယ် နမ့်ဆိုင်ကျေးရွာတွင် ကလေးငယ် (၄)ဦးသည် လက်လုပ်မိုင်းနင်းမိ ပေါက်ကွဲရာ (၂)ဦးသေဆုံးပြီး (၂)ဦးဒဏ်ရာရရှိခဲ့သလို  နမ့်ခမ်းမြို့နယ် နောင်တိန်ကျေးရွာတွင်လည်း အမျိုးသားတစ်ဦး ကြံစိုက်ခင်းထဲ မိုင်းခုတ်မိပေါက်ကွဲကာ ဒဏ်ရာပြင်းထန်မှုရရှိခဲ့သည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်