08 February 2025

PSLF/TNLA မြေယာနှင့် သစ်တောထိန်းသိမ်းကာကွယ်ရေးဌာနမှ မိုးမိတ်မြို့နယ်အတွင်း ကန့်သတ်ကြိုးဝိုင်း (၅)ဝိုင်း သတ်မှတ် 

မိုးမိတ်၊ ဖေဖော်ဝါရီလ ၇ ရက်

တအာင်းပြည်သတင်း

တအာင်းပြည်၊ တပ်မဟာ (၃)နယ်မြေ၊ မိုးမိတ်မြို့နယ်အတွင်း ပလောင်ပြည်နယ်လွတ်မြောက်ရေးတပ်ဦး PSLF/TNLA၏ မြေယာနှင့် သစ်တောထိန်းသိမ်းကာကွယ်ရေးဌာနမှ ကန့်သတ်ကြိုးဝိုင်း (၅)ဝိုင်း သတ်မှတ်ခဲ့သည်။

ထိုကြိုးဝိုင်းများသည် ဖောင်းကတောကြိုးဝိုင်း(စီးပွားရေးသစ်ထုတ်ကြိုးဝိုင်း) (၃၃၉၄၇)ဧက၊ ရွေဥဒေါင်းကြိုးဝိုင်း (သဘာဝပတ်ဝန်းကျင်နှင့် ဇီဝမျိုးစိတ်များထိန်းသိမ်းကာကွယ်ရေးကြိုးဝိုင်း) (၂၉၁၄၁)ဧက၊ ယင်းမာကြိုးဝိုင်း (စီးပွာရေးသစ်ထုတ်ကြိုးဝိုင်း) (၅၂၈၈၆)ဧကနှင့် မာန်ဟီတောင်ကြိုးဝိုင်း(စီးပွားဖြစ်သစ်ထုတ်ရေးကြိုးဝိုင်း) (၅၈၈၅၈)ဧကတို့ သတ်မှတ်ထားသည်။

သတ်မှတ်ထားသည့် ကြိုးဝိုင်းဧရိယာအတွင်း ဆိုင်းဘုတ်များ လိုက်လံရိုက်ကပ်ပေးခြင်းနှင့် ၎င်းနှင့်ပတ်သက်သည့်အကျိုးအကြောင်းများကို ပြည်သူလုထူများထံ တွေ့ဆုံဆွေးနွေးခြင်းလုပ်ငန်းများ ပြုလုပ်ခဲ့ပါသည်။

ထိုကြိုးဝိုင်းများကန့်သတ်ရခြင်းသည် ကျူးကျော်ယာခင်းများပြုလုပ်ခြင်း၊ တောင်ယာများ ထပ်မံချဲ့ထွင်လုပ်ခြင်း၊ အဖိုးတန်သစ်ပင်များ ခုတ်ခြင်း၊ တရားမဝင် သစ်ခိုးထုတ်ခြင်းနှင့် တရားမဝင် ရွှေတူးဖော်မှုများအားလုံးကို ကာကွယ်ရန် ဖြစ်သည်။ 

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်