08 February 2025

တရားဥပဒေစိုးမိုးရေးတပ်ဖွဲ့မှ တစ်လအတွင်း မူယစ်ဆေးဝါးသုံးစွဲသူ (၁၂၆)ဦးနှင့် ရောင်းဝယ်သူ (၁၃)ဦး ဖမ်းဆီးနိုင်ခဲ့

တအာင်းပြည်၊ ဖေဖော်ဝါရီလ ၈ ရက်

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သော ခရိုင် (၅)ခရိုင်ဖြစ်သည့် ကျောက်မဲခရိုင်၊ မိုးကုတ်ခရိုင်၊ ကွတ်ခိုင်ခရိုင်၊ နမ့်ဆန်ခရိုင်နှင့် နမ့်ခမ်းခရိုင်တို့တွင် တရားဥပဒေစိုးမိုးရေးတပ်ဖွဲ့မှ  တစ်လအတွင်း မူးယစ်ဆေးဝါးသုံးစွဲသူ (၁၂၆)ဦးနှင့် ရောင်းဝယ်သူ (၁၃)ဦး ဖမ်းဆီးနိုင်ခဲ့သည်။

တရားဥပဒေစိုးမိုးရေးတပ်ဖွဲ့မှ ကျောက်မဲခရိုင်တွင် မူးယစ်ဆေးဝါးသုံးစွဲသူ (၃၈)ဦးနှင့် မူယစ်ဆေးဝါးရောင်း၀ယ်သူ (၄)ဦးနှင့်အတူ ယာမ (၁၂၇၆)ထုပ်ကို ဖမ်းဆီးနိုင်ခဲ့ပြီး မူးယစ်ဆေးဝါးသုံးစွဲသူ (၁၁)ဦးနှင့် မူယစ်ဆေးဝါးရောင်း၀ယ်သူ (၂)ဦးကိုလည်း မိုးကုတ်ခရိုင်တွင် ဖမ်းဆီးနိုင်ခဲ့သည်။

ထို့အပြင် ကွတ်ခိုင်ခရိုင်လည်း မူးယစ်ဆေးဝါးသုံးစွဲသူ (၁၅)ဦးနှင့် မူယစ်ဆေးဝါးရောင်း၀ယ်သူ (၁)ဦး ဖမ်းဆီးနိုင်ခဲ့သဖြင့် နမ့်ဆန်ခရိုင်လည်း မူးယစ်ဆေးဝါးသုံးစွဲသူ (၈)ဦးကို ဖမ်းဆီးနိုင်ခဲ့သည်။

၎င်းအတူ နမ့်ခမ်းခရိုင်တွင် မူးယစ်ဆေးဝါးသုံးစွဲသူ (၅၄)ဦးနှင့် မူယစ်ဆေးဝါးရောင်း၀ယ်သူ (၆)ဦး ဖမ်းဆီးနိုင်ခဲ့သည်။ တရားဥပဒေစိုးမိုးရေးတပ်ဖွဲ့မှ ဖမ်းဆီးရမိထားသည့်သူများကို အကျင့်စာရိတ္တပြုပြင်ရေးစခန်း ပို့ဆောင်ပေးခြင်းနှင့် ပြစ်မှုကြီးသည့်သူများကိုလည်း ထောင်အတွင်း ထိန်းသိမ်းထားပါသည်။

ပြီးခဲ့သည့် ၂၀၂၄ခုနှစ် တစ်နှစ်အတွင်း ပလောင်ပြည်နယ်လွတ်မြောက်ရေးတပ်ဦး PSLF/TNLA၏ တရားဥပဒေစိုးမိုးရေးတပ်ဖွဲ့မှ မူးယစ်ဆေးဝါးရောင်းဝယ်သုံးစွဲသူ စုစုပေါင်း (၁၉၂၃)ဦးကို ဖမ်းဆီးအရေးယူနိုင်ခဲ့သည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်