မိုးကုတ်မြို့နယ် (၇)မိုင်ကျေးရွာတွင် နေအိမ်(၁)လုံး ဓါးပြတိုက်ခံရ
25 December 2024
မိုးကုတ်မြို့နယ် (၇)မိုင်ကျေးရွာတွင် နေအိမ်(၁)လုံး ဓါးပြတိုက်ခံရ
မိုးကုတ်၊ ဒီဇင်ဘာလ ၂၅ ရက်
တအာင်းပြည်သတင်း
တအာင်းပြည် တပ်မဟာ(၂)နယ်မြေ၊ မိုးကုတ်မြို့နယ်၊ (၇)မိုင်ကျေးရွာတွင် နေအိမ် (၁)လုံး ဓါးပြတိုက်ခံခဲ့ရပါသည်။
ပြီးခဲ့သည့် ဒီဇင်ဘာလ ၁၉ ရက်နေ့တွင် အမည်မသိလူ (၂)ဦးသည် သေနတ်(ပစ်စတို) တစ်ယောက်တစ်လက် ကိုင်ဆောင်ပြီး ( ၇)မိုင်ကျေးရွာရှိ နေအိမ် (၁)အိမ်ကို ဓါးပြဝင်တိုက်ခဲ့ပြီး နေအိမ်အတွင်းရှိ စိန်ရွေရတနာများကို ယူဆောင်းသွားခဲ့သည်။
အဆိုပါ အမျိုးသား ၂ ဦးသည် စစ်ဝတ်စုံနှင့်တူသော အဝတ်အစားကို တစ်ယောက်ဝတ်ဆင်ထားပြီး နောက်တစ်ဦးသည် အရပ်ဝတ်ကိုသာ ဝတ်ဆင်ထားပါသည်။ ၎င်းစစ်ဝတ်စုံသည် မည်သည့်အဖွဲ့အစည်းဖြစ်ကြောင်း PSLF/TNLA တရားဥပဒေစိုးမိုးရေးတပ်ဖွဲ့မှ စုံစမ်းနေဆဲဖြစ်ပါသည်။
ဓါးပြတိုက်ခံရသည့်နေအိမ်သည် ဦးဂျဲတ်ဂတ်ဗဟာဒူး၏ နေအိမ်ဖြစ်ပြီး ရွှေ ၂၀ကျပ်သား၊ စိန်လက်စွပ် ၅ ကွင်း၊ ကျောက်စိမ်း ၂ လုံး၊ ချယ်အပွင့်နားကပ် ၁ ခု၊ ရံရွှေနားကပ် ၁ ခု၊ ကျောက်နှစ်လိုင်းပါလက်စွပ် ၁ ကွင်း၊ ကျောက် ၁ ထုပ်၊ ဖုန်း ၁ လုံးနှင့် ဆိုင်ကယ် ၁ စီး စသည့်ပစ္စည်းများကို ယူဆောင်းသွားခဲ့သည်။
ပလောင်ပြည်နယ်လွတ်မြောက်ရေးတပ်ဦး-PSLF/TNLA ၏ မိုးကုတ်မြို့ တရားဥပဒေစိုးမိုးရေးတပ်ဖွဲ့မှ ၎င်းဓါးပြတိုက်မှုနှင့်ပတ်သတ်ပြီး ပြစ်မှုကျူးလွန်သူများကို အမြန်ဆုံးစုံစမ်းဖော်ထုတ်နိုင်ရေး လုပ်ဆောင်နေပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ