18 December 2024

အာရမ်းကျေးရွာတွင် TLEC မှ ဦးစီးပြီးကျောင်းစုံညီပွဲတော်နှင့် အင်္ဂလိပ်စကားပြောစွမ်းရည် ပြိုင်ပွဲကျင်းပ

နမ့်ဆန်၊ ဒီဇင်ဘာ ၁၈ ရက်
တအာင်းပြည်သတင်း

တအာင်းပြည်နယ် တပ်မဟာ (၂)နယ်မြေ၊ နမ့်ဆန်မြို့နယ် အာရမ်းကျေးရွာတွင်  Ta'ang Land Education Council-TLEC မှဦးစီးပြီး ကျောင်းစုံညီပွဲတော်နှင့် အင်္ဂလိပ်စကားပြောစွမ်းရည် ပြိုင်ပွဲကျင်းပြုလုပ်ခဲ့သည်။

အာရမ်းကျေးရွာ အခြေခံပညာအထက်တန်းကျောင်းရှိ ဆရာ/ဆရာမများနှင့် ကျောင်းသူ/သားများ စုပေါင်းပေါင်းပြီး ဒီဇင်ဘာလ ၁၅ ရက်နေ့က ကျောင်းစုံညီပွဲကျင်းပပြုလုပ်ခဲ့ကြသည်။

ကျောင်းသူ/သား (၁၀၀) နီးပါး ဝင်ရောက်ယှဥ်ပြိုင်ခဲ့သည့် အင်္ဂလိပ်စကားပြောစွမ်းရည်ကို ဒီဇင်ဘာလ ၁၆ ရက်နေ့တွင် ပြုလုပ်ကျင်းပခဲ့ပြီး ပြိုင်ပွဲတွင် ထူချွန်သူ ကျောင်းသူ/သားများအား အဆင့်အလိုက် ဆုချီးမြှင့်ပေးခဲ့သည်။

စကားပြောစွမ်းရည်ကျင်းပရသည့် ရည်ရွယ်ချက်သည် ကျောင်းသား/သူများ၏ အင်္ဂလိပ်စကားပြောစွမ်းရည်မြှင့်တင်ပေးရန်နှင့် အင်္ဂလိပ်ဘာသာရပ်များကို ကျွမ်းကျင်ပိုင်နိုင်စွာ သင်ယူတတ်မြောက်စေရန် ရည်ရွယ်ပါသည်။

ထိုအခမ်းအနားသို့ ရပ်ရွာဥက္ကဌများ၊ ရပ်မိရပ်ဖများ၊ ကျောင်းသူ/သား မိဘများ ဒေသခံများနှင့် ကျောင်းသား/သူများ စုစုပေါင်းလူဦးရေ (၃၀၀)ကျော် တတ်ရောက်ခဲ့ကြသည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်