02 December 2024

နမ္မတူဘော်တွင်းတွင် မီးအကြွင်းအကျန်မှတဆင့် နေအိမ်(၁)လုံး မီးလောင်ပြာကျ

နမ္မတူ၊ ဒီဇင်ဘာ ၂ ရက်

တအာင်းပြည်သတင်း

တအာင်းပြည်၊ တပ်မဟာ(၄)နယ်မြေ နမ္မတူဘော်တွင်းတွင် မီးဖိုဆောင်မှ မီးအကြွင်းအကျန်ကတစ်ဆင့် ယမန်နေ့ ဒီဇင်ဘာ ၁ ရက်နေ့ နံနက်(၂း၃၀)နာရီအချိန်တွင် နေအိမ်(၁)လုံး မီးလောင်ပြာကျသွားခဲ့သည်။

မီးလောင်သွားသည့် နေအိမ်သည် မိသားစု(၃)စု စုပေါင်းနေထိုင်သည့်နေအိမ်တန်းလျားကြီးဖြစ်ပြီး ဦးစွန်ယုံ နေထိုင်သည့် နေအိမ်ဘက်အခြမ်းမှ စတင်မီးလောင်ကျွမ်းသွားခဲ့ခြင်းဖြစ်သည်။

မိသားစု (၃)စု နေထိုင်ကြသည့် ထိုနေအိမ်မီးလောင်ခဲ့မှုကြောင့် နေအိမ်အတွင်းရှိ ပစ္စည်းဆုံးရှုံးမှုကာလတန်ဖိုး စုစုပေါင်း ကျပ်သိန်း(၆၀)ကျော် ဆုံးရှုံးသွားခဲ့သည်။

မီးလောင်မှုဖြစ်နေပွားစဥ် PSLF/TNLA တပ်မတော်သားများနှင့် ကုမ္ပဏီပိုင်မီးသတ်ကားဖြင့် ဝိုင်းဝန်းမီးငြိမ်းသတ်ပေးခဲ့သည်။

ပြီးခဲ့သည့် မေလ ၁၈ ရက်နေ့တွင်လည်း နမ္မတူမြို့နယ် ဟိုက်တောင်ကျေးရွာမှ နေအိမ်မီးလောင်မှုကြောင့် ကလေးနှစ်ဦး အပါအဝင် (၃)ဦးသေဆုံးသွားခဲ့သည်။

#PSLF/TNLA

#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်