လားရှိုးမြို့အဝင် လမ်းကြောင်း(၃)နေရာကို စစ်ကောင်စီမှ မြောင်းဖောက်ဖျက်ဆီး
13 June 2024
လားရှိုးမြို့အဝင် လမ်းကြောင်း(၃)နေရာကို စစ်ကောင်စီမှ မြောင်းဖောက်ဖျက်ဆီး
လားရှိုး၊ ဇွန်လ ၁၃ ရက်
တအာင်းပြည်သတင်း
တအာင်းပြည် တပ်မဟာ(၆) စစ်ဒေသ လားရှိုးမြို့အဝင် ကားလမ်းမ(၃)နေရာအား ယနေ့ ဇွန်လ (၁၃)ရက်နေ့တွင် မြေတူးစက်ဖြင့် မြောင်းဖောက် ဖျက်ဆီးခဲ့သည်။
စစ်ကောင်စီတပ်ဖွဲ့ ဖျက်စီးခဲ့သည့် အဆိုပါ ကားလမ်းမ(၃)နေရာသည် လားရှိုး - မိုင်းယော်သို့သွားသည့် ကောင်းဟုန်းရွာ၊ နမ့်ဖရွာနှင့် မန်နားရွာတို့တွင် ဖြစ်သည်။
၁၀၂၇ စစ်ဆင်ရေးအတွင်း စစ်ရှုံးနေသည့် စစ်ကောင်စီတပ်သည် တော်လှန်ရေးတပ်ဖွဲ့များ လားရှိုးမြို့အတွင်း ဝင်ရောက်တိုက်ခိုက်မည်ကို စိုးရိမ်ကြောက်လန့်၍ မြို့အဝင်လမ်းမများအား ဖြတ်တောက်နေခြင်းဖြစ်သည်။
ထိုနည်းတူ ဇွန်လ (၁၂)ရက်နေ့ တွင် သီပေါမြို့နယ် ကွန်စံလိတ်ရွာအထက် သီပေါ - နမ္မတူလမ်းမအား မြေတူစက်ဖြင့် ကန့်လန့်ဖြတ် မြောင်းဖောက်ဖျက်ဆီးခဲ့သေးသည်။
အဆိုပါ စစ်ကောင်စီတပ်၏ လုပ်ရက်သည် တော်လှန်ရေးအင်အားစုများအား ဟန့်တားနိုင်ရန်ရည်ရွယ်ခြင်း ဖြစ်သော်လည်း အရပ်သားပြည်သူများသာ ထိခိုက်နစ်နာစေခဲ့ပြီး သွားလာရေးခက်ခဲခြင်း၊ ကုန်စည်သယ်ယူပို့ဆောင်ရေး ရပ်တန့်ရခြင်းတို့နှင့် ကြုံတွေ့နေရသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ