မိုင်းလုံမြို့၌ PSLF/TNLA တရားဥပဒေစိုးမိုးရေးတပ်ဖွဲ့က မူးယစ်ဆေးဝါး ရောင်းဝယ်သုံးစွဲသူ(၄၀)ဦးအား ဖမ်းဆီးအရေးယူ
22 May 2024
မိုင်းလုံမြို့၌ PSLF/TNLA တရားဥပဒေစိုးမိုးရေးတပ်ဖွဲ့က မူးယစ်ဆေးဝါး ရောင်းဝယ်သုံးစွဲသူ(၄၀)ဦးအား ဖမ်းဆီးအရေးယူ
မိုင်းလုံ၊ မေ ၂၂ ရက်
တအာင်းပြည်သတင်း
တအာင်းပြည်၊ တပ်မဟာ(၂)စစ်ဒေသ၊ မိုင်းလုံမြို့၌ PSLF/TNLA တရားဥပဒေစိုးမိုးရေးတပ်ဖွဲ့က ဒေသခံပြည်သူများ လုံခြုံအေးချမ်းစွာ နေထိုင်နိုင်ရေးနှင့် မြို့တွင်း တရားဥပဒေစိုးမိုးနိုင်ရေးအတွက်မူးယစ်ဆေးဝါး ရောင်းဝယ်သုံးစွဲသူများအား လိုက်လံ ဖမ်းဆီးအရေးယူလျက်ရှိသည်။
ထိုသို့ မူးယစ်ဆေးဝါး ရောင်းဝယ်သုံးစွဲသူများအား လိုက်လံဖမ်းဆီးရာတွင် မိုင်းလုံမြို့နှင့် အနီးဝန်းကျင်ရှိ ကျေးရွာများမှ မူးယစ်ဆေးဝါး ရောင်းဝယ်သုံးစွဲသူ(၄၀)ဦးကို ဖမ်းဆီးနိုင်ခဲ့သည်။
ဖမ်းဆီး ထိန်းသိမ်းခံရသူများအား မြို့နယ်တရားဥပဒေစိုးမိုးရေးတပ်ဖွဲ့က PSLF/TNLA၏ မူးယစ်ဆေးဝါးတိုက်ဖျက်ရေးဥပဒေနှင့်အညီ အကျင့်စာရိတ္တပြုပြင်ရေးစခန်းတွင် (၆)လကြာ ထိန်းသိမ်း၍ အကျင့်စာရိတ္တပြန်လည်ကောင်းမွန်လာပါက မိဘအုပ်ထိန်းသူထံ ပြန်လည်အပ်နှံသွားမည်ဖြစ်သည်။
မိုင်းလုံမြို့နယ်အတွင်း မူးယစ်ဆေးဝါးကင်းစင်ပပျောက်ရေးအတွက် PSLF/TNLA၏ မြို့နယ်တရားဥပဒေစိုးမိုးရေးတပ်ဖွဲ့က တင်းကြပ်စွာ လုပ်ဆောင်သွားမည်ဖြစ်ရာ ကျန်ရှိနေသေးသည့် မူးယစ်ဆေးဝါး သုံးစွဲသူများအနေဖြင့် မိမိဆန္ဒသဘောထားအလျောက် PSLF/TNLA၏ အကျင့်စာရိတ္တပြုပြင်ရေးစခန်းတွင် လာရောက်ကာ အကျင့်စာရိတ္တပြုပြင်နိုင်သည်။
မိုင်းလုံမြို့နယ်အတွင်း မူးယစ်ဆေးဝါး သုံးစွဲ၊ လက်ဝယ်ထားရှိ ၊ ရောင်းဝယ် ဖောက်ကားမှု ပြုလုပ်နေသူ မည်သူ့ကိုမဆို ဖမ်းဆီးထိန်း သိမ်း၍ ထိရောက်သော အရေးယူမှုများလည်း ပြုလုပ်သွားမည်ဖြစ်သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ