နမ့်ဆန်မြို့နယ် ဟိုက်တောင်ရွာတွင် မီးလောင်မှုဖြစ်ပွား၊ အဖွားအိုတစ်ဦးနှင့် ကလေးငယ် ၂ ဦး သေဆုံး
21 May 2024
နမ့်ဆန်မြို့နယ် ဟိုက်တောင်ရွာတွင် မီးလောင်မှုဖြစ်ပွား၊ အဖွားအိုတစ်ဦးနှင့် ကလေးငယ် ၂ ဦး သေဆုံး
နမ့်ဆန်၊ မေလ ၂၁ ရက်
တအာင်းပြည်သတင်း
တအာင်းပြည်၊ တပ်မဟာ (၂)စစ်ဒေသ၊ နမ့်ဆန်မြို့နယ် ဟူးဆာအုပ်စု ဟိုက်တောင်ရွာတွင် မီးလောင်မှုဖြစ်ပွားခဲ့ပြီး အဖွားအိုတစ်ဦးနှင့် ကလေးငယ် ၂ ဦး မီးလောင်သေဆုံးသွားခဲ့သည်။
ဖြစ်စဥ်မှာ ယမန်နေ့ မေလ ၁၈ ရက်နေ့ နံနက် (၂:၃၀) ဝန်းကျင်တွင် ယမန်ညက မီးကျွင်းမီးကျန်များကို သေချာငြိမ်းသတ်မှု မပြုလုပ်ခြင်းကြောင့် ထိုမီးစများမှတစ်ဆင့် လေတိုက်ကာ မီးစတင်လောင်ကျွမ်းခဲ့ခြင်းဖြစ်သည်။
ထိုအိမ်အတွင်းတွင် မြေးအဖွား (၄)ဦး နေထိုင်ကြပြီး ယာအေမန် အသက်(၅၄)နှစ်သည် နှလုံးရောဂါရှိသောကြောင့် မီးလောင်နေစဥ် နေအိမ်အတွင်းပင် သတိလစ်မေ့မြောကာ မီးလောင်သေဆုံးသွားသည်။
အဖွားဖြစ်သူ ယာအေမန် သတိလစ်ပြီးနောက် ကျန်ရှိနေသည့် မြေးဖြစ်သူ မိုင်းအဇူ အသက်(၆)နှစ်နှင့် မိုင်းအိုက်ညီ အသက်(၄)နှစ်တို့နှစ်ဦးလည်း ကယ်တင်မည့်သူမရှိတာကြောင့် မီးလောင်သေဆုံးသွားခဲ့ရသည်။
အခင်းဖြစ်ပွားနေစဥ် ဒေသခံများ သတင်းပေးပို့မှုကြောင့် PSLF/TNLA ၏ နမ္မတူမြို့ မီးသတ်တပ်ဖွဲ့မှ သွားရောက်ကူညီပေးခဲ့ပြီး မီးလောင်ဆုံးရှုံးမှုတန်ဖိုးနှင့် မီးလောင်ခဲ့သည့်ဖြစ်စဥ်အား စစ်ဆေးဆောင်ရွက်လျက်ရှိသည်။
#PSLF/TNLA
#သတင်းနှင်းပြန်ကြားရေဌာန
မှတ်ချက်များ