လားရှိုးတွင် မန်ဆန်ရေကျ ရေတံခွန်တွင် ကိုရင်တစ်ပါးနှင့် အမျိုးသား ၁ ဦး ရေနစ်သေဆုံး
08 May 2024
လားရှိုးတွင် မန်ဆန်ရေကျ ရေတံခွန်တွင် ကိုရင်တစ်ပါးနှင့် အမျိုးသား ၁ ဦး ရေနစ်သေဆုံး
လားရှိုး၊ မေလ ၈ ရက်
တအာင်းပြည်သတင်း
တအာင်းပြည်၊ တပ်မဟာ (၆)စစ်ဒေသ၊ လားရှိုးမြို့နယ် မန်ဆန်ကျေးရွာရှိ မန်ဆန်ရေကျရေတံခွန်တွင် ရေဆင်းချိုးသည့် အမျိုးသား ၂ဦး ရေနစ်သေဆုံးခဲ့သည်။
လားရှိုးမြို့ သစ္စာဒဂုံတောရကျောင်းမှ ဦးဇင်းနှင့်ကိုရင်များအပါအဝင် မြို့ခံများမှ မန်ဆန်ရေကျကျေးရွာရှိ ရေတံခွန်တွင် ရေသွားဆော့ကစားခဲ့ပါသည်။
ရေကစားနေချိန် ကိုရင်လေးတစ်ပါး ရေနစ်နေစဥ် ၎င်းနှင့်အတူပါလာသည့်အမျိုးသားတစ်ဦးက ရေနစ်သည့် ကိုရင်လေး အားဆင်းကယ်ရာမှ အဆိုပါအမျိုးသားပါ ရေနစ်သေဆုံးခဲ့ခြင်းဖြစ်သည်။
ထိုအမျိုးသား ၂ ဦးသည် လားရှိုးမြို့ ရပ်ကွက် (၁)နေ မောင်ရဲရင့် အသက်(၂၅)နှစ်နှင့် သစ္စာဒဂုံတောရကျောင်းတိုက်နေ ကိုရင်လေးဖြစ်သည့် အရှင်ဓမ္မဝိတ(ခ)သန်းတိုးအောင် အသက် (၂၃) နှစ်တို့ ဖြစ်ကြပါသည်။
ရေနစ်သေဆုံးသွားသည့် ရုပ်အလောင်းများကို လားရှိုးမြို့ လူမှုကူညီရေးအသင်းဖြစ်သည့် နောင်မွန်လူငယ်အသင်းမှ သွားရောက်သယ်ဆောင်ကူညီပေးခဲ့ကြောင့် ဖြစ်သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ