25 August 2025

PSLF/TNLA အမျိုးသမီးစစ်သည်တော်ကော်မတီမှ  ကော်မတီလက်စွဲ(မူကြမ်း) Workshopကျင်းပပြုလုပ်ခဲ့

နမ့်ဆန်၊ သြဂုတ် ၂၅ရက်
တအာင်းပြည်သတင်း

တအာင်းပြည်၊ တပ်မဟာ (၉)နယ်မြေ၊ နမ့်ဆန်မြို့နယ်တွင် ပလောင်ပြည်နယ်လွတ်မြောက်ရေးတပ်ဦး PSLF/TNLA၏ အမျိုးသမီးစစ်သည်တော်ကော်မတီမှ ဦးဆောင်ပြီး ကော်မတီလက်စွဲ(မူကြမ်း) Workshop ကို ပြီးခဲ့သည့် သြဂုတ်လ (၁၂)ရက်နေ့မှ (၁၄)ရက်နေ့အထိ ကျင်းပပြုလုပ်ပြီးစီးခဲ့သည်။

အဆိုပါ(၃)ရက်သာ Workshopတွင် PSLF/TNLA၏ အမျိုးသမီးစစ်သည်တော်ကော်မတီမှ ဦးဆောင်ပြီး ကော်မတီလက်စွဲ(မူကြမ်း)ကို ပြန်လည်ရေးဆွဲဆွေးနွေးခဲ့ကြသည်။

ဆွေးနွေးပွဲတွင် အောက်ပါအခြေခံမူများ ဆွေးနွေးခဲ့သည်။
(၁)ဂျဲန်ဒါတန်းတူရေးမူနှင့် ကိုတာစနစ်ကို အကောင်အထည်ဖော်ဆောင်ရွက်ခြင်း
(၂)အမျိုးသမီးများအပေါ် အကြမ်းဖက်မှုလျော့နည်းလာစေရေးနှင့် အမျိုးသမီးများအား ကာကွယ်ပေးသည့် ဥပဒေနှင့်လုပ်ထုံးလုပ်နည်းများ အကောင်အထည်ဖော်ခြင်း
(၃) PSLF/TNLAတွင် တာဝန်ထမ်းဆောင်နေသည့် အမျိုးသမီးများအတွက် နှစ်စဉ်လျာထားဘတ်ဂျတ်များ ထားရှိပေးခြင်း
(၄)အမျိုးသမီးစစ်သည်တော်အတွက် ဘေးကင်းလုံခြုံရေးစီမံချက်များပြင်ဆင်ရေးဆွဲခြင်း
(၅)လုပ်ငန်းဆောင်တာများအား ပြန်လည်သုံးသပ်ခြင်းနှင့် လေ့လာခြင်း
တို့ဆွေးနွေးသုံးသပ်ခဲ့ကြသည်။

ထိုအပြင် လက်ရှိ PSLF/TNLAတွင် တာဝန်ထမ်းဆောင်နေသော အမျိုးသမီးစစ်သည်များ၏အခြေအနေများကို လေ့လာသုံးသပ်ခြင်း၊အခက်အခဲစိန်ခေါ်မူများကို ဆွေးနွေးတင်ပြခြင်း၊လုပ်ငန်းခွင်တွင် ရရှိသည့်ရပိုင်ခွင့်၊အခွင့်အလမ်းများနှင့်အခွင့်အရေးများကို ဆွေးနွေးခဲ့ကြသည်။

ထိုဆွေးနွေးပွဲကို PSLF/TNLAအမျိုးသမီးစစ်သည်တော်ကော်မတီဝင် (၁၂)ဦးနှင့် ဌာနအသီးသီးတွင် တာဝန်ထမ်းဆောင်နေသော အမျိုးသမီးများ (၄၁)ဦး စုစုပေါင်း(၅၃)ဦးတက်ရောက်ခဲ့ကြသည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်