နမ္မတူနှင့် မန်တုံမြို့နယ်တွင် တအာင်းပြည် ရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦး၊ သုံးစွဲသူ (၅)ဦး ဖမ်းဆီးရမိ
23 August 2025
နမ္မတူနှင့် မန်တုံမြို့နယ်တွင် တအာင်းပြည် ရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦး၊ သုံးစွဲသူ (၅)ဦး ဖမ်းဆီးရမိ
တအာင်းပြည်၊ သြဂုတ်လ ၂၃ရက်
တအာင်းပြည်၊ နမ္မတူနှင့် မန်တုံမြို့နယ်တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူ (၁)ဦးနှင့် သုံးစွဲသူ (၅)ဦးတို့ကို ဖမ်းဆီးရမိခဲ့ပါသည်။
နမ္မတူမြို့နယ်တွင် ပြီးခဲ့သည့် သြဂုတ်လ (၂၀)ရက်နေ့၌ စစ်ဆေးရေးဂိတ်တစ်ခုတွင် မြို့နယ်ရဲတပ်ဖွဲ့မှ ရှောင်တခင်စစ်ဆေးရာမှ မူးယစ်ဆေးဝါးရောင်းဝယ်သူအမျိုးသမီး (၁)ဦးဖမ်းဆီးရမိခဲ့သည်။
အဆိုပါအမျိုးသမီးသည် အသက် (၄၅)နှစ်အရွယ် ဒေါ်မြအောင်ဆိုသူဖြစ်ပြီး ၎င်းထံ ယာမဆေးပြား (၆၀)ပြားနှင့် ဘိန်းဖြူထည့်ထားသည့်ဆေးဗူးအသေး (၇)ဗူးတို့ကို သိမ်းဆည်းရမိခဲ့သည်။
အလားတူ မန်တုံမြို့နယ်လည်း မြို့နယ်ရဲတပ်ဖွဲ့မှ ရှောင်တခင်စစ်ဆေးမှုပြုနေစဉ်အတွင်း မူးယစ်ဆေးဝါးသုံးစွဲသူ အသက် (၄၅)နှစ်အရွယ် ဦးစိုင်ဟိန်း၊ အသက် (၃၅)နှစ်အရွယ် ဦးထွန်းနိုင်၊ အသက် (၄၅)နှစ်အရွယ် ဦးအောင်ကျင်၊ အသက် (၄၆)နှစ်အရွယ် ဦးအောင်လှနှင့် အသက် (၅၂)နှစ်အရွယ် ဦးအဦးတို့ ဖမ်းဆီးရမိခဲ့ပါသည်။
အဆိုပါ မူးယစ်ဆေးဝါးရောင်းဝယ်သူကို ပလောင်ပြည်နယ်လွတ်မြောက်ရေးတပ်ဦး PSLF/TNLA တပ်ဖွဲ့မှ မူးယစ်ဆေးဝါးတိုက်ဖျက်ရေးဥပဒေဖြင့် အရေးယူဆောင်ရွက်သွားမည်ဖြစ်ပြီး သုံးစွဲသူများကို အကျင့်စာရိတ္တပြုပြင်သွားမည်ဖြစ်သည်။
ပြီးခဲ့သည့် သြဂုတ်လ (၉)ရက်နေ့လည်း မန်တုံမြို့နယ်တွင် တအာင်းပြည် မြို့နယ်ရဲတပ်ဖွဲ့မှ မူးယစ်ဆေးဝါးရောင်းဝယ်သူအမျိုးသားတစ်ဦးကို ဖမ်းဆီးရမိခဲ့သည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ