PSLF/TNLA တအာင်းပြည် ရဲတပ်ဖွဲ့မှ ဖမ်းဆီးရမိထားသည့် ကျားဖြန့်လုပ်ကိုင်သူ (၁၆)ဦးကို တရုတ်ပြည်သူ့သမ္မတ နိုင်ငံ အစိုးရထံ လွှဲပြောင်းပေး
09 August 2025
PSLF/TNLA တအာင်းပြည် ရဲတပ်ဖွဲ့မှ ဖမ်းဆီးရမိထားသည့် ကျားဖြန့်လုပ်ကိုင်သူ (၁၆)ဦးကို တရုတ်ပြည်သူ့သမ္မတ နိုင်ငံ အစိုးရထံ လွှဲပြောင်းပေး
တအာင်းပြည်၊ သြဂုတ်လ ၉ရက်
ပလောင်ပြည်နယ်လွတ်မြောက်ရေးတပ်ဦး PSLF/TNLA တအာင်းပြည် ရဲတပ်ဖွဲ့မှ ဖမ်းဆီးရမိထားသည့် ကျားဖြန့်လုပ်ကိုင်သူ (၁၆)ဦးကို နမ့်ခမ်းမြို့ နယ်ရဲတပ်ဖွဲ့မှ တရုတ်ပြည်သူ့သမ္မတ နိုင်ငံ အစိုးရထံ လွှဲပြောင်းပေးခဲ့ပါသည်။
ဖြစ်စဉ်တွင် ယမန်နေ့ နံနက် (၁၁း၃၀)နာရီအချိန်၌ ဖမ်းဆီးရမိထားသူများကို တအာင်းပြည် နမ့်ခမ်းမြို့နယ်ရဲတပ်ဖွဲ့က စခန်းမှူး ဒုဗိုလ်လိုမ်ဂေါင်မှ ဦးဆောင်ပြီး နမ့်ခမ်းမြို့နယ်ရှိ နယ်စပ်ဂိတ်တစ်နေရာတွင် တရုတ်ပြည်သူ့သမ္မတနိုင်ငံ အစိုးရထံ လွှဲပြောင်းပေးခဲ့သည်။
ထိုကျားဖြန့်လုပ်ကိုင်သူများသည် ကွတ်ခိုင်မြို့နယ်၊ ရှောက်ဟော်ကျေးရွာတွင် အခြေချလုပ်ကိုင်နေကြပြီး ကွတ်ခိုင်မြို့နယ်ရဲတပ်ဖွဲ့မှ သတင်းရရှိပြီးနောက်တွင် သွားရောက်ဖမ်းဆီးခဲ့ပါသည်။
အဆိုပါဖမ်းဆီးရမိသူများသည် တရုတ်နိုင်ငံသားများဖြစ်ကြသည့် ကျန်းထန်ဟွေး၊ ကျန်းဟောင်း၊ ကျုံးစုံဆူး၊ ကျုံးနီ၊ ကျုံးအောက်ပေါ်၊ ကျူံးချူံပင်း၊ မာဖမ်း၊ ဝမ်းယာန်ကွင်း၊ ဟူးလေ့ရှမ်း၊ ဝိကျောက်ရွံ့၊ ရိန်းကျိန်းဖျင့်၊ ဝမ်ရှိန်ယဲ၊ ဟော်လျှင်လီ၊ လျံလျောက်၊ ရှီကျိမ်ရွင်နှင့် လီစေဖျင့် တို့ဖြစ်သည်။
ပြီးခဲ့သည့် ဇွန်လ (၁၀)ရက်နေ့လည်း ပလောင်ပြည်နယ်လွတ်မြာက်ရေးတပ်ဦး PSLF/TNLA တအာင်းပြည် ရဲတပ်ဖွဲ့မှ နမ့်ခမ်းမြို့နယ်၊ ကွတ်ခိုင်မြို့နယ်နှင့် နမ္မတူမြို့နယ်တို့မှ ဖမ်းဆီးရမိထားသည့် ကျားဖြန့်လုပ်ကိုင်သူ (၁၂)ဦးကို တရုတ်ပြည်သူ့သမ္မတနိုင်ငံ ရဲတပ်ဖွဲ့ထံ လွှဲပြောင်းပေးခဲ့ပါသည်။
#PSLF/TNLA
#သတင်းနှင့်ပြန်ကြားရေးဌာန
မှတ်ချက်များ