20 November 2024

ကွတ်ခိုင်မြို့တွင် နေအိမ် (၁)လုံး မီးလောင်မှုဖြစ်ပွား

ကွတ်ခိုင်၊ နိုဝင်ဘာ ၂၀ ရက်
တအာင်းပြည်သတင်း

တအာင်းပြည်၊ တပ်မဟာ(၅)နယ်မြေ၊ ကွတ်ခိုင်မြို့ ရပ်ကွက် (၄)နေရာတွင် နေအိမ် (၁)လုံး မီးလောင်မှုဖြစ်ပွားခဲ့သည်။


နိုဝင်ဘာ ၁၈ ရက်နေ့ ညနေ(၄း၃၀)နာရီအချိန် ဦးနော်ဆိုင်းနေအိမ်၏ မီးလောင်းသွားခဲ့သည်။

ဖြစ်စဥ်တွင် ဦးနော်ဆိုင်းသည် ပျက်နေသည့် ရေအားလျှပ်စစ်ကို သွားပြင်နေချိန် နေအိမ်မီးစတင်လောင်ကျွမ်းသွားခဲ့သည်။

ဦးနော်ဆိုင်း နေအိမ်အတွင်းရှိ ပစ္စည်းများ ဆိုင်ကယ်(၂)စီး၊ ဆွဲကြိုး (၁)ကွင်း၊ ဆန် (၂)အိတ်၊ ဘီဒို (၂)လုံးနှင့် စားပွဲခုံ (၁)စုံ မီးလောင်ဆုံးရှုံးသွားခဲ့သည်။

မီးလောင်နေစဥ် ကွတ်ခိုင်မြို့ PSLF/TNLA ၏ မီးသတ်တပ်ဖွဲ့မှ  မီးသတ်ကား (၂)စီးနှင့် ရပ်ကွက်ကားများအပါအဝင် သွားရောက်ဝိုင်းဝန်း ကူညီမီးငြိမ်းသတ်ပေးခဲ့သည်။

ပြီးခဲ့သည့် ဧပြီလ ၂၅ ရက်နေ့တွင်လည်း ကွတ်ခိုင်မြို့ ရပ်ကွက် (၂)၌ နေအိမ် (၁)လုံး မီးဖိုးချောင်ရှိ မီးကြွင်းမီးကျန်မှတစ်ဆင့် စတင်လောင်ကျွမ်းသွားခဲ့သည်။

#PSLF/TNLA
#သတင်းနှင့်ပြန်ကြားရေးဌာန

အမည်မဖော်ပြပါ

အမည်ဖော်ပြမည်

မှတ်ချက်ပြုမည်

မှတ်ချက်များ

သင်၏ ထင်မြင်ချက်