တအာင်းပြည်၊ နမ့်ခမ်းမြို့ရှိ တအာင်းစာပေခန်းမ၌ ကျင်းပသည့် တအာင်းစာပေ၏ အနာဂတ်ဖွံ့ဖြိုးတိုးတက်ရေးနှင့် စာပေယဉ်ကျေးမှု ထိန်းသိမ်းမြှင့်တင်ရေးကို ရည်ရွယ်၍ တအာင်းစာအဖွဲ့-TLA မှ ဦးဆောင်ပြီး တအာင်းစာပေညီလာခံကို သြဂုတ်လ (၂၈) ရက်နေ့မှ (၂၉) ရက်နေ့အထိ အောင်မြင်စွာ ကျင်းပပြီးမြောက်ခဲ့ပါသည်။

တအာင်းပြည်၊ နမ့်ခမ်းမြို့တွင် တအာင်းစာအဖွဲ့-TLA မှ ဦးဆောင်ဖွင့်လှစ်သည့် ဆရာဖြစ်သင်တန်း (TOT) အပတ်စဉ် (၆) သင်တန်းဆင်းပွဲအခမ်းအနားကို သြဂုတ်လ (၂၆) ရက်နေ့၌ ကျင်းပပြုလုပ်ခဲ့ရာ PSLF/TNLA ၏ အထွေထွေအတွင်းရေးမှူး ဗိုလ်ချုပ်ဘုန်းကျော် တက်ရောက်ခဲ့သည်။

ဆငီ- ဆငည်း (29)၊ ကျံရ်(8) ဆန်ုမ်(2026)

ပလောင်ပြည်နယ်လွတ်မြောက်ရေးတပ်ဦး PSLF/TNLA ၏ အမျိုးသမီးဖွံ့ဖြိုးတိုးတက်ရေးဌာနသည် ၂၀၂၆ ခုနှစ် သြဂုတ်လအတွင်း တအာင်းပြည်၊ မြို့နယ် (၇) မြို့နယ်ရှိ ကျေးရွာပေါင်း (၃၆) ရွာမှ ပြည်သူလူထု စုစုပေါင်း (၁,၄၇၇) ဦးအား အမျိုးသမီးအခွင့်အရေး၊ မျိုးဆက်ပွားကျန်းမာရေးနှင့် မိသားစုဘဝဖွံ့ဖြိုးရေးဆိုင်ရာ အသိပညာပေး ကွင်းဆင်းလုပ်ငန်းများ ဆောင်ရွက်နိုင်ခဲ့သည်။

တအာင်းပြည်၊ မန်တုံမြို့နယ်၊ ထပ်ချက်၊ ပန်ဆွေနှင့် စေကော်ကျေးရွာကြား ပျက်စီးနေသောကျေးရွာချင်းဆက် လမ်းမတစ်လျှောက်တွင် ရေမြောင်းများ တူးဖော်ခြင်း၊ မြက်ပင်၊ နွယ်ပင်များ ရှင်းလင်းခြင်း၊ လမ်းများ ပြန်လည်ပြုပြင်ပေးခြင်းလုပ်ငန်းများကို မြို့နယ်အထွေထွေအုပ်ချုပ်ရေးဌာနနှင့် ပြည်သူလူထုများ ဦးဆောင်၍ ပြုလုပ်ဆောင်ရွက်ခဲ့ပါသည်။

တအာင်းလူမျိုးများ၏ မိခင်ဘာသာစကားထိန်းသိမ်းမြှင့်တင်ရန်နှင့် လွယ်ကူစွာ လေ့လာနိုင်ရန်အတွက် တအာင်း-မြန်မာ-အင်္ဂလိပ် ဒစ်ဂျစ်တယ်အဘိဓာန် (Taang Digital Dictionary) Application နှင့် Website ကို သြဂုတ်လ (၂၅) ရက်နေ့တွင် တအာင်းဒစ်ဂျစ်တယ် အဘိဓာန်စီမံကိန်းအဖွဲ့မှ တရားဝင်ထုတ်ပြန်လိုက်ပါသည်။