ပလောင်ပြည်နယ်လွတ်မြောက်ရေးတပ်ဦး PSLF/TNLA သတင်းနှင့်ပြန်ကြားရေးဌာန အောက်တိုဘာလထုတ်စာစောင်
ယခုဖတ်ရန်လူကြည့်အများဆုံး သတင်းများ
ပလောင်ပြည်နယ်လွတ်မြောက်ရေးတပ်ဦး PSLF/TNLA သတင်းနှင့်ပြန်ကြားရေးဌာန အောက်တိုဘာလထုတ်စာစောင်
တအာင်းပြည်၊ နမ့်ခမ်းမြို့၌ လူငယ်များ ပညာရေးနှင့် လူ့စွမ်းအားအရင်းအမြစ် ဖွံ့ဖြိုးရေးအတွက် (၂၀) လကြာ တရုတ်ဘာသာစကား ဒီပလိုမာ (အပတ်စဉ်-၂) သင်တန်းဖွင့်ပွဲကို နိုဝင်ဘာ (၆) ရက်နေ့က သင်တန်းသား/သူ (၂၃) ဦးဖြင့် ကျင်းပခဲ့ပါသည်။
နမ့်ဆန်မြို့နယ် ဒေသဖွံ့ဖြိုးရေး၊ လုံခြုံရေးနှင့် ကျန်းမာရေးဆိုင်ရာ ဒေသအကျိုးပြုလုပ်ငန်းများကို ပိုမိုထိရောက်စွာ ဆောင်ရွက်နိုင်ရန် မြို့နယ်စီမံအုပ်ချုပ်ရေးကော်မတီနှင့် တာဝန်ရှိသူများ နိုဝင်ဘာ (၆) ရက်နေ့၌ တွေ့ဆုံဆွေးနွေးခဲ့ကြပါသည်။
နမ့်ဆန်မြို့နယ်တွင် အမျိုးသမီးတစ်ဦးအား လိင်ပိုင်းဆိုင်ရာ အကြမ်းဖက်မှု ကျူးလွန်ခဲ့သည့် အသက် (၅၃) နှစ်အရွယ် အမျိုးသားတစ်ဦးကို တအာင်းပြည် မြို့နယ်ရဲတပ်ဖွဲ့က ဖမ်းဆီးရမိခဲ့ပြီး တရားဥပဒေအတိုင်း ဆက်လက်အရေးယူ ဆောင်ရွက်လျက်ရှိပါသည်။
တအာင်းပြည် နမ့်ခမ်းနှင့် မိုင်းလုံမြို့နယ်တို့တွင် တအာင်းပြည်ရဲတပ်ဖွဲ့နှင့် တပ်မဟာ (၁) လက်အောက်ခံ တပ်ရင်း (၁၀၁) တို့ ပူးပေါင်း၍ မူးယစ်ဆေးဝါးပပျောက်ရေး လုပ်ငန်းများဆောင်ရွက်စဉ် နိုဝင်ဘာလ ၂ ရက်နှင့် အောက်တိုဘာလ ၂၅ ရက်တို့၌ မူးယစ်ဆေးဝါးရောင်းဝယ်သူ ၂ ဦးနှင့် သုံးစွဲသူ ၂ ဦးတို့ကို စိတ်ကြွရူးသွပ်ဆေးပြားများ၊ ဘိန်းဖြူနှင့် ငွေကြေးများအပြင် ဆက်စပ်ပစ္စည်းများနှင့်အတူ ဖမ်းဆီးရမိခဲ့ပြီး အဆိုပါတရားခံများကို PSLF/TNLA ၏ မူးယစ်ဆေးဝါးတိုက်ဖျက်ရေးဥပဒေနှင့်အညီ ဆက်လက်အရေးယူ ဆောင်ရွက်သွားမည်ဖြစ်သည်။
Website Content Description People’s Spring နှင့် Daw Na News သတင်းဌာနတို့မှ ၂၀၂၆ ခုနှစ်၊ နိုဝင်ဘာလ (၃) ရက်နေ့တွင် ဖော်ပြခဲ့သော PSLF/TNLA နှင့် စစ်ကောင်စီကြား အပစ်အခတ်ရပ်စဲရေးဆိုင်ရာ သတင်းများသည် PSLF/TNLA အထွေထွေအတွင်းရေးမှူး ဗိုလ်ချုပ်ဘုန်းကျော် ပြောကြားချက်ဟုဆိုကာ ချဲ့ကားရေးသားထားခြင်းဖြစ်ပြီး၊ ၎င်းဖော်ပြချက်များသည် အဆိုပါသတင်းဌာနများ၏ အာဘော်သာဖြစ်ကြောင်း ရှင်းလင်းထုတ်ပြန်ထားသည့် ကြေညာချက် ဖြစ်ပါသည်။
တအာင်းပြည် ဥပဒေရုံးတွင် ဥပဒေရေးရာနှင့် ရုံးလုပ်ငန်းများကို စနစ်တကျ ထိရောက်မြန်ဆန်စွာ ဆောင်ရွက်နိုင်ရန် စိတ်ပါဝင်စားသူ ရုံးစာရေးဝန်ထမ်း (၁၅) ဦးကို စတင်ခေါ်ယူနေပြီဖြစ်ရာ အသက် (၁၈) နှစ်နှင့်အထက် (၉) တန်း သို့မဟုတ် (၁၀) တန်းအောင် သို့မဟုတ် ဘွဲ့ရရှိထားသူများ လျှောက်ထားနိုင်ပြီး လျှောက်လွှာများကို နိုဝင်ဘာလ (၂၀) ရက်နေ့ နောက်ဆုံးထား၍ ပေးပို့ရမည် ဖြစ်ပါသည်။
တအာင်းပြည်၊ မန်တုံမြို့နယ်အတွင်း ပြည်သူများ ညအချိန် သွားလာရေး အဆင်ပြေချောမွေ့စေရန်နှင့် လုံခြုံရေး ပိုမိုကောင်းမွန်လာစေရန် ရည်ရွယ်၍ မြို့နယ်စည်ပင်သာယာရေးဌာနနှင့် လျှပ်စစ်ဓာတ်အားဖြန့်ဖြူးရေးဌာနတို့ ပူးပေါင်းကာ မြို့တွင်းလမ်းမများနှင့် ရပ်ကွက်များတွင် (100W) အားရှိသော ဆိုလာလမ်းမီးများကို အောက်တိုဘာလ ၃၁ ရက်နေ့မှစတင်၍ အကောင်အထည်ဖော် တပ်ဆင်ပေးလျက်ရှိသည်။
တအာင်းပြည်အတွင်းရှိ နမ့်ခမ်း၊ မန်တုံ၊ နမ့်ဆန်နှင့် နမ္မတူမြို့နယ်များတွင် အောက်တိုဘာလအတွင်း တအာင်းပြည် မြို့နယ်ရဲတပ်ဖွဲ့က မူးယစ်တိုက်ဖျက်ရေးလုပ်ငန်းများ ဖော်ဆောင်ခဲ့ရာ မူးယစ်ဆေးဝါး ရောင်းဝယ်သူ (၇) ဦး၊ လက်ဝယ်ထားရှိသူ (၃) ဦးနှင့် သုံးစွဲသူ (၄) ဦးတို့ကို ဘိန်းဖြူ၊ ယာမဆေးပြားနှင့် ဆက်စပ်ပစ္စည်းများအပါအဝင် ဖမ်းဆီးရမိခဲ့ပြီး အဆိုပါတရားခံများကို PSLF/TNLA ၏ မူးယစ်ဆေးဝါးတိုက်ဖျက်ရေးဥပဒေနှင့်အညီ ဆက်လက်အရေးယူ ဆောင်ရွက်သွားမည်ဖြစ်ပါသည်။
နမ့်ခမ်းမြို့နယ်၊ ကျန့်ကွင်းကျေးရွာ၌ အောက်တိုဘာလ ၃၀ ရက်နေ့က တအာင်းပြည်မြို့နယ်ရဲတပ်ဖွဲ့က မူးယစ်ဆေးဝါးရောင်းဝယ်သူ အမျိုးသားတစ်ဦး၏ နေအိမ်မှ ဘိန်းဖြူ၊ ဘိန်းမဲနှင့် ယာမဆေးပြားများ ဖမ်းဆီးရမိခဲ့ပြီး၊ အလားတူ အောက်တိုဘာလ ၂၁ ရက်ကလည်း နမ္မတူမြို့နယ်တွင် မူးယစ်ဆေးဝါးနှင့်အတူ အမျိုးသားနှစ်ဦးကို ဖမ်းဆီးရမိခဲ့သည်။
