13 November 2026

ကောင်ဆံရ်ဇီုင်းခေါခါႇကုင်တအာင်း-THCဂဲ ပ္လူႈဆဒိ ကာည်း ဒဲႈဟာတ်းလံပ်ပိင်ငျာဘည်လိုဒံန်ခြဲခေါခါႇ တကူန်ရဝ်မာဂါင် လောင်ရောဂါကာ်ႇနှာမ်ဘိုန်း

အိုမ်ယ်ုရ်၊ ကျံရ်ကိူရ်အူ၊ ဆငည်း(13)
ဆဒါင်ကုင်တအာင်း

ကုင်တအာင်း၊ ကောင်ဆံရ်ဇီုင်းခေါခါႇကုင်တအာင်း-THCဂဲ ပ္လူႈဆဒိ ကာည်း ဒဲႈဟာတ်းလံပ်ပိင်ငျာဘည်လိုဒံန်ခြဲခေါခါႇ တကူန်ရဝ်မာဂါင် လောင်ရောဂါကာ်ႇနှာမ်ဘိုန်း-(Dengue Fever) ဘည်ဇိုချီုင်ခ္လါည်းခိင်ခါဝ် အောႏ။

ရောဂါကာ်ႇနှာမ်ဘိုန်းဒီန် ဂေါပ်လောင်- Dengue Virusနီန် ခိင်ရဆံန် ဆမားပဲန်ဂျံပ်၊ ဇူႈကတံက်ဟာဝ်း- Aedes Mosquito (အေဒစ်ခြင်)။ အမဒါင်းမိုႈ ခေဲင် အခိင်ဆငီလေႈ (2)နြီ ဘံန်ရောတ် အခိင်ဆငီလီပ် (2)နြီ တိုအီးဂျံပ်ဂဲဒိူန် ဆမားကတံက်ဟာဝ်း။

လက္ခဏာဘည်နဲရောဂါကာ်ႇနှာမ်ဘိုန်းဒီန် ကတူႈဂျံပ် ခေဲင်(4)ဆငည်း၊ (10)ဆငည်းထာန်နီန် ဆမားဆဲတ်ဖိူဝ်ကဒိင်၊ ကိင်၊ ပ္လေငါည်း၊ ကလိုန်းဘ္လောမ် ကာည်း ကဆံင်ရျံရ်ႈ ဆဲဝ်ဂျံပ်၊ ဆမားဟိူရ် ကာည်း ဆမားလေႈကဒိုမ် / ကဒိုမ်ႎံင်း၊ ခေဲင်တိုပိုင်ဒီန် ဆမားပဲန်ဘို နှာမ်စီမ်လီပ်။

ဆဲႈဒီန် လက္ခဏာဘည်နဲရောဂါကာ်ႇနှာမ်ဘိုန်းဒါင်းဒီန် ဆဲဝ်ဖိူမ်ဘိုန်းဇာ်ႈ(24)နြီ ရောတ်(48)နြီ ခေဲင်အခိင်ဒီန် ဆာ်ႈႎဲႇဆဲဝ်ဒါင်း၊ ဂေါည်ဂေါည်ဟိူရ်၊ ႎဲႇဟုဆာ်ႈတောပ်နှာမ်၊ ဆာ်ႈဟြုလေႈနှာမ်၊ န်ုရ်အယ်ဆာ်ႈလေႈနှာမ် ဆာ်ႈအယ်ဟောည်ႇကတူႈဘည်ဒီန် လိုဟာဝ်းမယုင်ဆနံမ်ချော်န်းချော်န်းယာ့်။

ဆာ်ႈကတူႈခါမ်ရောဂါဒီန် ဘည်လိုဒံန်ခြဲဂေါည်ခေဲင်ဂါင် လိုဒဲႈကဲတျံရ်အိုမ်အီမိူဝ်ႈအာဟာရ ဆာ်ႈဆဲဝ်ဖိူဝ်ကမာ်ႈ (6)နြီ (၁)လိူဝ်ႈ လိုဒဲႈကဲဟောမ်- Paracetamol၊ မိုႈလိူည် အာဝ်ဘိူန်းဒဲႈကဲဟောမ် (1)ဆငည်း(4)လိူဝ်ႈအောႏ။

မောကံပ်လောတ်ဒါ ဖေးအန္တရာယ်ရောဂါကာ်ႇနှာမ်ဘိုန်းဒါင်းဒီန် ကပံန်ကပ်ုန်ဒီ‌ဂေါည်အယ် လို‌ရေဲန်ဆပဲဆငါးတောန်ဆငည်း အိုမ်တျံင်၊ အိုမ်ခြံင်၊ ကဘဲဝ်ပိုႈ ကာည်း ဂြူခြီုင်အိုမ်ဆမားဂေါည် ဒီဝီုန်းညှိူဝ်၊ ဘူရ်၊ ထောႇ၊ ကျဲင်၊ စေတ်၊ ဒေင်နီးဘည်လှ်ုပ်။

ပ္လူႈဆဒိ ကဆီုဝ်ကူန်ရဝ်မာဂါင်ဂဲမော မာည်းဒဲႈအဇိုမ်ဂျံပ်၊ လိုအိတ်ခေဲင်ဂါင်ဒံန်ခြဲအဇိုမ်၊ လိုကဇောည်ရေဲန်ဆပဲဆငါး ဒီကပံန်ကပ်ုန်ဒီဂေါည်အယ် မောကာပ်လောတ်ဒါဖေးအန္တရာယ်ရောဂါကာ်ႇနှာမ်ဘိုန်းဒါင်းဒီန် ခေဲင်ဇီုင်းကာန် လိုလီပ်ကဇောည်တောပ် ကောင်ဆံရ်ဇီုင်းခေါခါႇကုင်တအာင်း- THC အောႏ။

Website Official

www.taangland.org

Telegram Official Channel
https://t.me/pslftnlanews

Telegram Link – Ta’ang TV
https://t.me/pslftnlaTaangTV

YouTube Official
https://www.youtube.com/@pslftnlanews

#PSLF/TNLA
#တီုင်‌ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း