တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပလိက်ကုင်တအာင်းဂဲ ရေဲန်ပါင်ကမိုန်ကတူႈကငျား တောပ်တာဘြောင်ချှာင်ရဝ် ပလှံင်ကုင်ငေါှ
11 November 2026
တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပလိက်ကုင်တအာင်းဂဲ ရေဲန်ပါင်ကမိုန်ကတူႈကငျား တောပ်တာဘြောင်ချှာင်ရဝ် ပလှံင်ကုင်ငေါှ
ကုင်ငေါှ၊ ကျံရ်ကိူရ်အူ၊ ဆငည်း(11)
ဆဒါင်ကုင်တအာင်း
ကုင်တအာင်း၊ ခေဲင်လှံင်ကုင်ငေါှ ကနာည်ဇီုင်းကာန်ပဇာရ်ခေဲင်အရာပ်အရာဒါင်းဇာရ် တံပ်အွံရ်ပ်ုန်လောတ်ကပီုန်တအာင်း- PSLF/TNLA ဖုင်ပလိက်ကုင်တအာင်းဂဲ ကယေင် တောႇ ရေဲန်ပါင်ကမိုန်ကတူႈကငျား တောပ်တာဘြောင်ချှာင်ရဝ် ပလှံင်ကုင်ငေါှ ဘံန်ဟောည်ႇဒေဲႈ ကျံရ်ကိူရ်အူ၊ ဆငည်း(9)ဒိူန်အောႏ။
ခေဲင်ပါင်ကတူႈကငျာဒီန် ကမိုန်ဟာဝ်း ဘည်လိုရဲႇငိူပ်မေန်း တိုအီးဒါခံင်ယိူည်ႇ ဘည်လိုကဇောည်ရေဲန်ဇီုင်းကာန် တီုက်ယာ်ႈအရေးခံင်ယိူည်ႇ ဟောည်ႇဒီန် ဖုင်ပလိက်ကုင်တအာင်းဂဲ တိူဝ်ႈလာည် ကနံဝ်းႎှုင် တာဘြောင်ဇံင် / တာဘြောင်ရဝ်။
ဆဲႈဒီန် ဆာ်ႈမိူဝ်ႈဘည်ထာန်နောႈ မိူဝ်းအီဒါခံင်ယိူည်ႇ ကာည်း ကဇိူရ်ႈကယံင်းခံင်ယိူည်ႇ လိုတိုန်းဆဒါင်ချော်န်းချော်န်း တဖုင်ပလိက်ကုင်တအာင်းဂဲ။ ဟောည်ႇဒီန် ကဲအီဟိုက်ဒေဲႈ ခေဲင်ပါင်ကမိုန်ကတူႈကငျား တာဘြောင်ဇံင်/ တာဘြောင်ရဝ်ဂဲ ကမိုန်ဟာဝ်းဘို ခေဲင်ဇံင်အယ် ပ်ုန်လိုပ်ုန်ဆိင်ဘိူန်း/ ပ်ုန်ဆိင်ရေဲန်ဟာဝ်း ကာည်း ဘည်ကတူႈ ဘည်ယိူဝ်းငိူပ်မေန်းအယ် လောင်ဘြဲဆာဒေင်၊ ဘည်လိုတာဆြာ/ယာဆြာ၊ လောင်ပျဆနာခံင်ယိူည်ႇ၊ ဘည်ရံရ်ႈဟာဝ်း တာဘြောင်ချှာင်ဇံင် ၊ ဘည်ပျိူဝ်ႇရေဲန်ကျောင်စဝ် ကာည်း လောင်ကဲပ်ရူရ်ႈတောန်နဲ အောႏ။
အီဟိုက်ရောတ်ဒေဲႈ ခေဲင်ပါင်ကမိုန်ကတူႈကငျားဒီန် ပလိက်လှံင် ခူန်နာန်း-ဆငည်းကဒါး၊ အီချှာင်ဇီုင်းကာန် ခူန်နာန်း- Blue Sky၊ အီအွံရ်နဲထီင် ခူန်နာန်း-ပိုႈဘို၊ အဆာင်စေတ်မေန်းအမှု တာမ်ခူန်နာန်း-အွံရ်ခြိူဝ်း ကာည်း တာဘြောင်ဇံင်/ တာဘြောင်ရဝ် ကစုကပိုမ် (18)အီး ဟိုက်ရောတ်ဒေဲႈအောႏ။
မိုႈဘို ဘံနဟောည်ႇဒေဲႈ ကျံရ်ကိူရ်အူ၊ ဆငည်း(6) အခိင်ရဆံန် ပလှံင်အိုမ်ယ်ုရ် ကနာည်ကယေင်ပဇာရ်ဇီုင်းကာန်ခေဲင်အရာပ်အရာ ကော်မတီဘြောင်ချှာင်လှံင်ဂဲ ရေဲန်ပါင်ကတူႈကငျား။
ဇီုင်းကာန်ယန္တရားလံပ်ဘြောင်ချှာင်နီန် အ်ုန်မိုႈ လံပ်ဘ္လချှာင်တြား၊ ပ်ုန်ဟြာည်ကမာ်ႈအရေးခံင်ယိူည်ႇ ကာည်း ဇီုင်းကာန်ပဇာရ်အရာပ်အရာ တာဘြောင်ဇံင်/တာဘြောင်ရဝ်ဂဲ ဘည်လိုကဖြေင်ရေဲန်ဇီုင်းကာန် တောပ် ဖုင်ပလိက်ကုင်တအာင်းဂဲ စိပဲန်ဂေါည်ဂေါည် ရေဲန်ပါင်ကတူႈကငျား ဘည်နီန်အောႏ။ ဂေါပ်ဘည်ဒီန် ခေဲင်အရာပ်အရာအယ် ပျဆနာလောင်အရေးခံင်ယိူည်ႇ ကာည်း လောင်လံပ်ငိူပ်မေန်းအီဟံရ်၊ ဘည်ကီန်းဒည်းလံပ်ဘြောင်ချှာင် ပ္လူႈဆဒိဟြာင်းဟိုက် တအီရံပ်ဇီုင်းတေဲင်ကဆီုဝ်လောင်ပဲန်ပျဆနာ၊ ဆာ်ႈဟိုရ် ကူန်ရတ်မာဂါင်ဂဲ လီပ်ကဇောည် ခေဲင်ဇီုင်းကာန်ပဇာရ်ခေဲင်အရာပ်အရာ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists