ဂေါပ်မိုႈ နံင်ႎီရ်ဘြဲဆာဟာဝ်းဒေင် လှံင်အေဲမ်ခြီရ် ကာည်း ဒေင်လှံင်အေဲမ်ငူည် ဇိုချီုင်ဘြဲဆာဒေင်ဒီန် နှာင်းဘီဟာဝ်းကာတာင်ကူမ်း အူကဇေန်း
11 November 2026
ဂေါပ်မိုႈ နံင်ႎီရ်ဘြဲဆာဟာဝ်းဒေင် လှံင်အေဲမ်ခြီရ် ကာည်း ဒေင်လှံင်အေဲမ်ငူည် ဇိုချီုင်ဘြဲဆာဒေင်ဒီန် နှာင်းဘီဟာဝ်းကာတာင်ကူမ်း အူကဇေန်း
အိုမ်ယ်ုရ်၊ ကျံရ်ကိူရ်အူ၊ ဆငည်း(11)
ဆဒါင်ကုင်တအာင်း
ကော်မတီတီုင်ဘြောင်ချှာင် ရိူရ်ႈလေႈပ္လါႇဘေဲႇ ဂေါပ်မိုႈ နံင်ႎီရ်ဘြဲဆာဟာဝ်းဒေင် လှံင်အေဲမ်ခြီရ် ကာည်း ဒေင်လှံင်အေဲမ်ငူည် ဇိုချီုင်ဘြဲဆာဒေင်ဒီန် နှာင်းဘီဟာဝ်းကာတာင်ကူမ်း ဇူႈဆငည်း(10) ကျံရ်ကိူရ်အူ၊ ရောတ် ဆန်ုမ်2027၊ ကျံရ်အူ၊ ဆငည်း(31) အူကဇေန်းအောႏ။
ဇိုချြီုင်ဘြဲဆာဒေင်ကစာပ် လှံင်အေဲမ်ခြီရ် ကာည်း ဒေင်လှံင်အေဲမ်ငူည် ဇိုချီုင်ဘြဲဆာဒေင်ဒီန် နှာင်းဘီဟာဝ်းကာတာင်ကူမ်း အူကဇေန်း ထာန်ဒိုင်းဒေင် (40)ကီလိုမီတာ။ ဆဲႈဒီန် ဆာ်ႈမိုႈ ကားဒဲႇ / ဆဲင်ကယ် ကာည်း ကူန်ရဝ်မာဂါင်ဂဲ ဘိူန်းအူန်း ဟာဝ်းႎီရ်တောန်ဆငည်းအောႏ။
အခိင်ဘြဲဆာဒေင်ဒီန် ကဆီုဝ်ကူန်ရဝ်မာဂါင်ဂဲ အီလေႈဒေင် ပ်ုန်လိုတောပ်ကာည်းဘည်လိုဆမွံတ်ဟာဝ်းႎီရ်၊ ဇိုချီုင်ရေဲန်ဇီုင်းကာန်ဘြဲဆာဒေင်ဒီန် ကဆီုဝ်ကူန်ရဝ်မာဂါင်ဂဲ အာဝ်ဘိူန်းစိလီပ်ဒေဲႈခေဲင် ဒီရေဲန်ဇီုင်းကာန််၊ လိုတောပ်ခေါပ်ပြာႇပ်ုန်ရိူရ်ႈလေႈ အီရံပ်ဇီုင်းကပ္လိူင်းဂဲ ၊မှာန်းမေတ္တာဇံင် ကဇောည်တောႇ အီရံပ်ဇီုင်းကာန် တကဲအီရံပ်ဇီုင်းကာန်ခေဲင်ရဝ် ကာည်း ကူန်ရဝ်မာဂါင်ဂဲအောႏ။
ပ်ုန်ကယေင်ဘြဲဆာဒေင်ဒီန်မိုႈ ကနာည်ကူန်ရဝ်မာဂါင်ဂဲ ဘိူန်းဒေဟာဝ်းႎီရ်ကတီးကရီး၊ ကနာည်ဒေင်လံပ်ကတူည်ႇဆာယာ ကာည်း လံပ်ကတ်ုမ်ကနာည်ကူန်ရဝ်မာဂါင်ဂဲ၊ ကနာည်နှာင်းဘိူန်းတာင်ကူမ်းလေႈဒေဲႈခေဲင်အရာပ်အရာအယ် ကာည်း လံပ်ခေါခါႇကူန်ရဝ်မာဂါင်ဂဲ တောန်ကဒါႇတောန်နဲ မောကံပ်ဇာ်ႈလ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists