05 November 2026

ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(၁) ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး

အေဲမ်ခြီရ်၊ ကျံရ်ကိူရ်အူ၊ ဆငည်း(5)
ဆဒါင်ကုင်တအာင်း

ပမိူင်းလိုင် ကာည်း လှံင်အေဲမ်ခြီရ် ဖုင်ပလိက်ကုင်တအာင်းဂဲ ကာည်း တီုင်တံပ်ဒါင်း(1)  တီုင်တံပ်(101) အခိင်ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ (2)အီး ကာည်း အီဒါခံင်ယိူည်ႇ(2)အီး အောႏ။

ဘည်မိုႈဘာည်းအ်ုန် ပလှံင်မိူင်လိုင်၊ ခမိုတောင်နီ၊ ရဝ်ပိန်အင် ကျံရ်ကိူရ်အူ၊ ဆငည်း(2) ဖုင်ပလိက်ကုင်တအာင်းဂဲ ဘိူန်းဆဒါင် ဒါႈ မိူဝ်ႈအီကဇိူရ်ႈကယံင်းခံင်ယိူည်ႇ ဖုင်ပလိက်ကုင်တအာင်းဂဲ ကာည်း တာဘြောင်ရဝ် စိဟာဝ်းစေတ်မေန်း ဘိူန်းတိုည်း ယာနန်းမိူင် ဘိူန်းအဆာက်(48)ဆန်ုမ်၊ ခံင်ယိူည်ႇဂေါည်ခေဲင်ဂါင်ဒီန် မိုႈ ကအာင်းဆနံမ်း(1409)ကအာင်း၊ ႎှုင်- Redmiပိုင်၊ ရိူန်း- 1,077,0000 ဆဲန် ကာည်း ဂြူခြီုင်းပ်ုန်ဒါတောႇ ခံင်ယိူည်ႇတောန်နဲ ဘိူန်းတိုည်းဆီမ်ဟာဝ်းဒိုႇ။

မိုႈဘို ပလှံင်အေဲမ်ခြီရ်၊ ခမိုကွန်လိုင်၊ ရဝ်နောင်ကောင် တီုင်တံပ်ဒါင်း(1) တီုင်တံပ်(101) ဘံန်ဟောည်ႇဒေဲႈ ကျံရ်အူကိူရ်၊ ဆငည်း(25) အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်တီုက်ယာ်ႈအရေးခံင်ယိူည်ႇ စိဘိူန်းတိုည်းအီကဇိူရ်ႈကယံင်းခံင်ယိူည်ႇ တာဆဲင်ပီ ဘိူန်းအဆာက်(51)ဆန်ုမ် တောပ်ခံင်ယိူည်ႇကအာင်းဆနံမ်(84)ကအာင်း။ ဆဲႈဒီန် ဘိူန်းတိုည်း တာထူန်မျတ် ဘိူန်းအဆာက်(56)ဆန်ုမ် ကာည်း တာအိုက်မျတ် ဘိူန်းအဆာက်(60)ဆန်ုမ် တောပ်ခံင်ယိူည်ႇလူည် ဘိူန်းတိုည်းဆီမ်ဟာဝ်းဒိုႇ။

ဆာ်ႈမိုႈ ပ်ုန်ဘိူန်းတိုည်း တီုင်တံပ်(101)ဂဲ အီကဇိူရ်ႈကယံင်ခံင်ယိူည်ႇ ကောန်အီမာည်း(1)အီး ကာည်း အီဒါခံင်ယိူည်ႇ(2)အီးဒီန် ႎီရ်အံပ်ဒဲႈဟာဝ်း တဖုင်ပလိက်ကုင်တအာင်းဂဲ။

ပ်ုန်ဘိူန်းတိုည်းကဲအီဒါခံင်ယိူည်ႇဒီန် ဖုင်ပလိက်ကုင်တအာင်းဂဲ နှာင်းတိူရ်ႈလာည်းအရေး‌တောပ်ဥပဒေတီုက်ယာ်ႈအရေးခံင်ယိူည်ႇ ကာည်း ဟြာင်းလာည်းဟာဝ်းအမှု ဆာ်မိုႈအီဒါခံင်ယိူည်ႇဒီန် တိုန်းဟာဝ်းပဂါင်ဘြဲဆာအချံင် ဒဲႈဟာဝ်းပိင်ငျာပ်ုန်လိုနံပ် ကာည်း ထီင်ခြဲဟာဝ်းအောႏ။ ဘ်ုန်ဘိူန်းတိုည်းအူန်း တိုအီးကရိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ အောႏ။

Website Official
www.taangland.org

Telegram Official Channel
https://t.me/pslftnlanews

Telegram Link – Ta’ang TV
https://t.me/pslftnlaTaangTV

YouTube Official
https://www.youtube.com/@pslftnlanews

#PSLF/TNLA
#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း