ပလှံင်ရူကော တီုင်ဌာနလှံင်ဂဲ ရေဲန်တံက်ဒဲႈဟာဝ်း ငံရ်ဆိုလာပဒေင် ဟာဝ်းႎီရ်ကူန်ရဝ်မာဂါင်ဂဲ မောကံပ်လောတ်ဒါႇဖေးတောန်မျိုး
04 November 2026
ပလှံင်ရူကော တီုင်ဌာနလှံင်ဂဲ ရေဲန်တံက်ဒဲႈဟာဝ်း ငံရ်ဆိုလာပဒေင် ဟာဝ်းႎီရ်ကူန်ရဝ်မာဂါင်ဂဲ မောကံပ်လောတ်ဒါႇဖေးတောန်မျိုး
ရူကော၊ ကျံရ်ကိူရ်အူ၊ ဆငည်း(4)
ဆဒါင်ကုင်တအာင်း
ခေဲင်လှံင်ရူကော တီုင်ဌာနလှံင်ဂဲ ကယေင် ရေဲန်တံက်ဒဲႈဟာဝ်း ငံရ်ဆိုလာပဒေင် ဟာဝ်းႎီရ်ကူန်ရဝ်မာဂါင်ဂဲနီန် ဆာ်ႈမိုႈအခိင်ရမှိူမ် ကူန်ရဝ်မာဂါင်ဂဲ ဆာ်ႈဟာဝ်းႎီရ် မောကံပ်လောတ်ဒါႇဖေးတောန်မျိုး ဖုင်ဆပဲဆငါးဒါင်းဇာရ်ဂဲ ကာည်း တီုင်ဌာနအဆာင်ဒဲႈငံရ် ကစုကပိုမ်ဒေ ရေဲန်တံက်ဒဲႈဟာတ်းငံရ်ပဒေင် အီမိုႈဆိုလာ(100W)အောႏ။
ကနာည်ဘယ်ရေဲန်တံက်ဒဲႈငံရ်ဆိုလာဒေင်ဒီန် ဖုင်ဆပဲဆငါးဂဲ ထုတ်ဒဲႈရိူန်း တတီုင်အဆာင်ဒဲႈငံရ် ပ်ုန်လိုဂြူဇိူရ်ႈကစု ဟောည်ႇဒီန် ကစုကပိုမ်ဒေရေဲန်ဟာဝ်း။ ဇီုင်းကာန်လှေင်ဒီန် ပ်ုန်ဟောည်ႇဒေဲႈ ကျံရ်ကိူရ်အူ၊ ဆငည်း(31) ဇူႈရေဲန်ဟာဝ်း ရောတ်ကဇေန်းနီန် ဆိင်ခည်းဒါ့်တံက်ဟာတ်းငံရ်ခေဲင်ဒေင်လှံင် ကာည်း ဇံင်ဒီဟံရ် ဆာ်မိုႈကီုတ်ဒီဟံရ်ဒိူန် နံင်ဆီုပ်ရေဲန်ဟာဝ်းအောႏ။
ကယေင်ရေဲန်တံက်ငံရ်ဆိုလာ တောန်ဒေင်ဒါင်းဒီန်မိုႈ ကူန်ရဝ်မာဂါင်ဂဲ အီဂေါည်ခေဲင်လှံင်ရူကော ဆာ်ႈဟာဝ်းဟာဝ်းႎီရ်ႎီရ်အခိင်ရမှိူဝ် နံင်ကံပ်ဘိူန်းဟာဝ်းဆာယာ မောကံပ်လောတ်ဒါႇဖေးတောန်မျိုး၊ လံပ်ကတ်ုမ်ယာန်တောန်မျိုး ဘည်ဂေါည်တိုအီ နံင်ကံပ်ဘိူန်းကဟိုက်ကဟာဝ်း ခ္လါည်းဟာဝ်း။
မိုႈဘို ဘံန်ဟောည်ႇဒေဲႈ ကျံရ်အူကိူရ်၊ ဆငည်း(19) တီုင်ဘြောင်ချှာင်လှံင်ဂဲ ကာည်း တီုင်အဆာင်ဒဲႈငံရ်ဂြ ကစုကပိုမ်ဒေ ရေဲန်တံက်ဒဲႈငံရ် ခေဲင်လှံင်ကုင်ငေါှ ဒေင်ဒါင်း၊ ဇံင်၊ ဒေင်ဒဲႈခေဲင်ဇံင် ကာည်း ဇံင်မာန်လုံ ဆိုလာအီမိူဝ်းဘ္လောမ်(35W) ကစုကပိုမ် (45)ရံင် ကာည်း ငံရ်ဆိုလာ ကစုကပိုမ်(46)ပိုင်။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists