03 November 2026

ကုင်တအာင်း လှံင်(3)လှံင် ဖုင်ပလိက်ကုင်တအာင်းဂဲ ဘိူန်းတိုည်း အီကဇိူရ်ႈကယံင်းခံင်ယိူည်ႇ ကောန်အီမာည်း(7)အီး

အိုမ်ယ်ုရ်၊ ကျံရ်အူကိူရ်၊ ဆငည်း(28)

ဆဒါင်ကုင်တအာင်း

ကုင်တအာင်း၊ လှံင်အေဲမ်ခြီရ်၊ လှံင်အိုမ်ယ်ုရ် ကာည်း လှံင်အိုမ်ငျံရ် ဖုင်ပလိက်ကုင်တအာင်းဂဲ ကာည်း ဖုင်တီုက်ယာ်ႈအရေးခံင်ယိူည်ႇ ဘိူန်းတိုည်း အီကဇိူရ်ႈကယံင်းခံင်ယိူည်ႇ ကာည်း အီဒါခံင်ယိူည်ႇ ကောန်အီမာည်း(7)အီး အောႏ။

ဘည်မိုႈဘာည်အ်ုန် ဘံန်ဟောည်ႇဒေဲႈ ကျံရ်အူကိူရ်၊ ဆငည်း(7) အခိင်ရမှိူမ်(8:00)နြီ ပလှံင်အေဲမ်ခြီရ်၊ ခမိုမာန်ကောင်၊ ရတ်မာန်ပါင် ဂေါႇမိုႈဘိူန်းဆဒါင်ဒါႈအီကဇိူရ်ႈကယံင်းခံင်ယိူည်ႇ စိဟာတ်းစေတ်မေန်း ယိူဝ်း ခံင်ယိူည်ႇလူည်(13)ဂရမ်၊ ကအာင်းယာမ(128)ကအာင်း၊ ရိူန်း(250000)ဆဲန် ကာည်း ႎှုင်(1)ပိုင် ဘိူန်းတိုည်းဆီမ်းဟာဝ်းအောႏ။

မိုႈဘို ကျံရ်အူကိူရ်၊ ဆငည်း(18)) အခိင်စူန်အံပ်(5:30) ပလှံင်အိုမ်ယ်ုရ်၊ ရတ်မံန်မိုင်မိူင်းကွမ် ဘိူန်းဆဒါင်ဒါႈ တာအဒါး ဘိူန်းအဆာက်(24)ဆန်ုမ် အ်ုန်ဒါခံင်ယိူည်ႇ စိဟာဝ်းစေတ်မေန်း ဘိူန်းတိုည်းထီင်ခြဲဟာဝ်းအောႏ။

ဆဲႈဒီန် ကျံရ်အူကိူရ်၊ ဆငည်း(20) ပလှံင်အိုမ်ယ်ုရ်၊ ပရဝ်လိုင်တောက်  ဘိူန်းဆဒါင်ဒါႈ ကောန်အီမာည်း(2)အီး ဒါခံင်ယိူည်ႇ ဘံန်ဟောည်ႇဒီန် စိဟာဝ်းစေတ်မေန်း ဘိူန်းတိုည်း မာည်းအံင်ခံင် ဘိူန်းအဆာက်(21)ဆန်ုမ် ကာည်း မာည်းအိုက်စိင် ဘိူန်းအဆာက်(18)ဆန်ုမ်။ 

မိုႈဘို ဆငည်း(21)ပလှံင်အိုမ်ငျံရ်၊ ရဝ်ပါင်ဝိုး အခိင်ဖုင်ပလိက်ကုင်တအာင်းဂဲ ရေဲန်ဇီုင်းကာန်စေတ်မေန်း ဘိူန်းတိုည်း တာမျိုးမံင်အူး ဘိူန်းအဆာက်(36)ဆန်ုမ် ကာည်း အီကဇိူရ်ႈကယံင်းခံင်ယိူည်ႇ တာဇော်ဘောတ်၊ တာအိုက်စိုး။  ဆာ်ႈမိုႈ ကောန်အီမာည်း(၂)အီးဒီန် ယိူဝ်ႇခံင်ယိူည်ႇ ခံင်ယိူည်ႇလူည် (26)ဂရမ် ကာည်း ကအာင်းဆနံမ်းထုတ်ဒဲႇ(1)ထုတ် ဘိူန်းတိုည်းဆီမ်းဟာဝ်းအောႏ။

ပ်ုန်ဘိူန်းတိုည်းကဲအီဒါခံင်ယိူည်ႇဒီန် ဖုင်ပလိက်ကုင်တအာင်းဂဲ နှာင်းတိူရ်ႈလာည်းအရေး‌တောပ်ဥပဒေတီုက်ယာ်ႈအရေးခံင်ယိူည်ႇ ကာည်း ဟြာင်းလာည်းဟာဝ်းအမှု ဆာ်မိုႈအီဒါခံင်ယိူည်ႇဒီန် တိုန်းဟာဝ်းပဂါင်ဘြဲဆာအချံင် ဒဲႈဟာဝ်းပိင်ငျာပ်ုန်လိုနံပ် ကာည်း ထီင်ခြဲဟာဝ်းအောႏ။ ဘ်ုန်ဘိူန်းတိုည်းအူန်း တိုအီးကဇိူရ်ႈကယံင်းခံင်ယိူည်ႇ ကာည်း တိုအီးဒါခံင်ယိူည်ႇ ကောန်အီမာည်း(7)အီး  ဖုင်ပလိက်ကုင်တအာင်းဂဲ နှာင်းတိူဝ်ႈလာည်ဟာဝ်းအရေး တောပ်ဘည်ဥပဒေ တီုက်ယာ်ႈအရေးခံင်ယိူည်ႇ အောႏ။

Website Official

www.taangland.org

Telegram Official Channel

https://t.me/pslftnlanews

Telegram Link – Ta’ang TV

https://t.me/pslftnlaTaangTV

YouTube Official

https://www.youtube.com/@pslftnlanews

#PSLF/TNLA

#တီုင်ပ္လေႈလေႈဆဒါင်

အာ၀်နံပ်ဇီု၀်တိုအီး

ဘိူန်းတိူရ်

Comment

Comment Lists

ဘည်တိူရ်;လိူရ်;ယိူ၀်းမည်း