ရေဲန်ပ္လေါည်ႎိူဝ်ႈႎါင်ပနောဇီုင်းကာန်တီုင်စေတ်မေန်းတိုအီး လိူဝ်ႈ(2) ပလှံင်အိုမ်ငျံရ်
03 November 2026
ရေဲန်ပ္လေါည်ႎိူဝ်ႈႎါင်ပနောဇီုင်းကာန်တီုင်စေတ်မေန်းတိုအီး လိူဝ်ႈ(2) ပလှံင်အိုမ်ငျံရ်
အိုမ်ငျံရ်၊ ကျံရ်အူကိူရ်၊ ဆငည်း(23)
ဆဒါင်ကုင်တအာင်း
ကုင်တအာင်း၊ ပလှံင်အိုမ်ငျံရ် ဘယ်ရေဲန်ဟောည်ႇပ္လေါည်ႎိူဝ်ႈႎါင်ပနောဇီုင်းကာန်တီုင်စေတ်မေန်းတိုအီး လိူဝ်ႈ(2) ဆငည်း(21)၊ ကျံရ်အူကိူရ်အောႏ ဆဲႈဒီန် ပ်ုန်ကယေင် တီုင်စေတ်မေန်းတိုအီး ႎိူဝ်ႈဟာဝ်းႎါင်ပနောနီန် နံင်အီရံပ်ဇီုင်းကာန်ဂဲ ဘဉ်ရေဲန်ဇီုင်းကဟိုက်ကဟာဝ်းဒါင်းဇာရ်။
ခေဲင်ပ္လေါည်ႎိူဝ်ႈႎါင်ပနောဇီုင်းကာန်တီုင်စေတ်မေန်းတိုအီး လိူဝ်ႈ(2) အီအွံရ်ဇီုင်းတီုင်စေတ်မေန်းတိုအီး ခူန်အွံရ် ရူစိင် ရံပ်ရိုႈကတူႈ ဟာဝ်းကောန်ႎါင်ပနောဂဲ က္လာင်းဟာတ်းကြောႈတံမ်း တီုင်စေတ်မေန်းတိုအီးနီန် အ်ုန်အရေးဒါင်း လံပ်ကတ်ုမ်ခေဲင်အရာပ်အရာ ကာည်း ကနာည်ဒါင်းဇာရ်။ ကဆီုဝ်အီရံပ်ဇီုင်းကာန်ဂဲမော လိုတောပ်ခေါပ်ပြာႇ၊ အီရိုးဇီုင်းကာန်မှာန်း၊ လိုဘယ်ဒံန်ခြဲဟာဝ်း တိုအီးအာဝ်လီပ်တြား၊ အခိင်ႎါင်ပနောနီန် ဒါနောႈဖိူမ် ကစုကပိုမ် ဟိုက်ဟောည်ႇဟာဝ်း ႎါင်ပနောနီန်မော ပျောတခိူည်းအောႏ။
ကယေင်ႎိူဝ်ႈဟာဝ်းႎါင်ပနောနီန် ထီင်ခြဲစြာင်းတိုအီး ဂေါည်ခေဲင်ကုင်တအာင်းနီန် ကတီးကရီး၊ တိုအီးလီပ်လေႈမော နံင်ကံပ်ဘိူန်းရေဲန်ဒဲႈ ကနံဝ်းတို၊ ဇီုင်းကာန်ဘည်ငိူပ်မေန်း တိုအီးကပီုန်ဂဲ နံင်ဘိူန်းဒံန်ခြဲဒဲႈဟာဝ်း အခွါင်းရေးတောန်နဲအောႏ။
ဇိုချီုင်ႎါင်ပနော (2)ကျံရ်နီန် ကောန်ႎါင်ပနော ကောန်အီပ်ုန်(35)အီး၊ ကောန်ႎါင်ပနော ကောန်အီပမာည်း(15)အီး ကစုကပိုမ်(50)အီး ဟိုက်ဟောည်ႇအောႏ။ အခိင်ႎါင်ပနောနီန် ပနောဒဲႈဟာဝ်း ဒါႇဇီုင်းကာန်တီုင်စေတ်မေန်းတိုအီး ဘေဲႇလူမ်တအာင်း၊ ပိင်ငျာပ်ုန်လိုခေဲင်ဇီုင်းကာန်- Computer ၊ ဘည်ကကာႈကဆာင်ဇီုင်းကာန်လူမ်၊ ဘည်ဘိူန်းပ္လချာင်ဇီုင်းကာန်၊ Public Speaking ကာည်း ပိင်ငျာလံပ်ရေဲန်စြာင်း။
ဘံန်ဟောည်ႇ ႎါင်ပနောနီန် အီရံပ်ဇီုင်းကာန်တမည်း(50)အီးဒီန် ကဲနံင်ရံပ်လာည်ဟာဝ်းဇီုင်းကာန် ခေဲင်လှံင်၊ လူမ်ကကာႈတောန်လှံင် ခေဲင်ကုင်တအာင်းနီန် ။
အီဟိုက်ရောတ်ဒေဲႈခေဲင်ပ္လေါည်ႎိူဝ်ႈႎါင်ပနောဇီုင်းကာန်တီုင်စေတ်မေန်းတိုအီး လိူဝ်ႈ(2) ပလှံင်အိုမ်ငျံရ်ဒီန် အီအွံရ်ဇီုင်းတီုင်စေတ်မေန်းတိုအီး ခူန်အွံရ် ရူစိင်၊ တားဘြောင်ချှာင်လှံင်အိုမ်ငျံရ် ခူန်အွံရ် ပ္လါင်ဇာရ်၊ အီရံပ်ဇီုင်းကာန်ခေဲင်တီုင်ဌာန၊ တာဆြာ/ယာဆြာဂဲ အီဒဲႈႎါင်ပနော ကာည်း ကောန်ႎါင်ပနောဂဲ ကစုကပိုမ်ဂေါည်(70)အီး ဟိုက်ရောတ်ဒဲႈအောႏ။
မိုႈဘို ဘံန်ဟောည်ႇဒေဲႈ ကျံရ်တီမ်၊ ဆငည်း(28) ဘယ်ရေဲန်ပ္လေါည်ႎိူဝ်ႈႎါင်ပနော လိူဝ်ႈ(1) ႎါင်ပနောဇီုင်းကာန်တီုင်စေတ်မေန်းတိုအီး ကောန်ႎါင်ပနော ကစုကပိုမ်ဂေါည်(28)အီး အောႏ။
Website Official
www.taangland.org
Telegram Official Channel
https://t.me/pslftnlanews
Telegram Link – Ta’ang TV
https://t.me/pslftnlaTaangTV
YouTube Official
https://www.youtube.com/@pslftnlanews
#PSLF/TNLA
#တီုင်ပ္လေႈလေႈဆဒါင်
Comment Lists